Aydin, anî ziman ku girtîgeh veguherîne "navendên îşkenceyê" û bi qanûnên ku qanûnçêkir perçe perçe wan pêk tînin înfazeke rejîmê ya despotîk tê avakirin. Aydin, ji bo vê balkişand ser "qanûna înfazê" ya vê dawiyê hat çêkirin ku pêşî li ber berdana girtiyan digire. 

 

CEZAKIRINEKE BI SÊ MERHELEYÎ

 

Aydin vê pergalê wekî "pergaleke cezakirinê ya 3 merheleyî" pênase kir. Aydin, destnîşan kir ku kesekî bê girtin carekê tê cezakirin, lê li Tirkiyeyê 3 caran tê cezakirin. Aydin, bilêv kir ku ewilî li dadgehên alîgir mafê wan ê darizandinê tê binpêkirin û tên cezakirin û got: "Li girtîgehê jî bi tecrîdê û binpêkirina mafan cara dudoyan tên cezakirin. Û niha jî bi pergala înfazê re berdan tê astengkirin û ev jî ya sisêyan e." 

 

DIJÎ RÛMETA MIROVAHIYÊ YE'

 

Aydin, destnîşan kir ku sererastkirina nû di gelek waran de bi problem e û dibe sedema binpêkirina mafên mirovan. Aydin got: "Ev sererastkirin dijî mafên girtiyan e. Mafê girtî heye ku bi awayekî mirovî bi muameleyekê re rû bi rû bimîne. Lê ev maf tê jibîrkirin û 6 mehan carekê nirxandina rewşa girtî dijî rûmeta mirovahiyê ye." 

 

Aydin, destnîşan kir ku rêzikname û û pêkanînên ku pêk tên gelek mafên sereke yên girtiyan binpê dikin û çend şert û mercên berdanê hene jî, lê desteyên çavdêrî û îdareyê bi biryarên kêfî berdanê asteng dikin. Aydin, ji bo cezayê dîsîplînê yên li girtiyan tên birîn û bi vî awayî berdana wan tê astengkirin jî desnîşan kir ku dijî hiqûqê ne û cezayên dîsîplînê yên di bin navê cezayê hucreyê de tên birîn, dijî normên mafên mirovan e.