Li Bakur û Rojhilatê Sûriyeyê, ji ber ku Tirkiyeyê nêzî 150-200 metrekup ji 500 metrekup ava Çemê Firatê kêm kir, pirsgirkên cîdî yên avê rû dan. Cotkar ji ber vê rewşê nikarin zeviyên xwe av bidin û bergiriyên şaredarî digirin jî kêm dimînin. Şaredarî ji ber tunebûna avê neçar dimînin ku avê kêm berdin û ger ev pirsgirêka avê ya li herêmê tê jiyîn çareser nebe, wê karesatên mirovî li herêmê rû bide. 

 

BILINDAHÎ DAKET 30 METREYAN

 

Serokê Komeleya Cotkarên bajaroka Hecîn a girêdayî Dêrazorê Loey El Hemûd, derbarê mijarê de ji Ajansa Nûçeyan a Hawar (ANHA) re axivî û diyar kir ku di demên dawî de asta bilindahiya vê heya 30 metreyan daketiye. Hemûd, anî ziman ku ji ber kêmbûyîna avê, ew nikarin ji çem avê bikîşin û di vê mijarê de gelek zorî û zehmetiyan dikêşin. Hemûd, dest nîşan kir ku ev jî dibe sedem ku nekarin ava zevî û vexwarina heywanan pêşwazî bikin. 

 

Hemûd, anî ziman ku bi kêmkirina avê, hewl didin wan terbiye û teslîm bigirin û wiha got: “Em bang li hêzên navneteweyî û rêxistinên mafên mirovan dikin ku li hemberî vê rewşê bi hestiyar tevbigerin û berpirsiyartiyên xwe bi cih bînin.” 

 

POMPEYÊN AVÊ NA XEBITIN

 

Serokê Şaredariya Kesra ya dikeve Rojavayê Derazorê Xeyas El Ferec jî, diyar kir ku kêmbûyîna avê bandorê li wan dike û wiha axivî: “Ji ber kêmbûyîna avê pompeyên avê na xebitin. Hewa pir gerim bûye. Tunebûna avê bandorekê mezin li çandiniyê dike. Em di demek zor û zehmet dene. Em hewl didin qenalên nû yên avê vekin. Lê ev rewş jî pir zor xuya dike. Evê jî têra pêdiviyên gel neke.” 

 

BANGA HESTIYARIYÊ KIR

 

Mûhammed El Mensûr ê cotkariyê dike jî, bal kişand ser zoriyên dijîn û ev bang kir: “Êdî em nikarin zeviyên xwe av bidin. Ji ber vê zirara me mezine. Şaredarî hewl didin bergiriyê bigirin. Lê bergiriyên şaredariyê jî encex tê ra demekê bikin û em pê îdare bikin. Ji ber vê teqez divê ev pirsgirêk ji kok de bê çareserkirin û em dixwazin raya giştî bi hestiyar tevbigere.”