Hunermend Erdogan Emîr li Amedê konserek li dar xist. Hunermend Emîr ku bi zaravayê kirmackî (zazakî) distrê li hewşa Zarok Ma  konser da û gelek kes tev li konserê bûn. Emîr di konserê de bi giştî stranên kirmanckî yên aydê herêma Dêrsimê strî. 

 

Emîr di destpêka konserê de axivî û bal kişand ser girîngiya çand û hunera kurdî û bi xêrhatina mêvanên xwe kir. Emîr anî ziman ku her kes dikare bi reng, çand û zimanê xwe bijî.

 

Hunermend Emîr di dawiya konserê de malovaniya Ma Muzîkê û Zarok Ma’yê kir. Welatî li ber stranên Emîr rabûn govendê û konser li ber gerandina govendê bi dawî bû.