Serokê Giştî yê MHP'ê Devlet Bahçelî di civîna koma partiya xwe de li ser bûyerên rojane axivî. Bahçelî li ser gelek mijaran rawestiya û îdia kir ku li Helebê Kurd nehatine qetilkirin. Bahçelî Hêzên Demokratîk ên Sûriyeyê (HSD) û YPG'ê hedef girt û diyar kir ku muxatab Rêberê Gelê Kurd Abdullah Ocalan e û got: "Muxatab eşkere ye. Ji bilî rêberê damezrîner ê PKKê kesek din nîne."

 

BERXWEDÊRÊN ÎRANÊ HEDEF GIRT

 

Bahçelî diyar kir ku "cografyaya ku em lê dijîn ji aliyê dorpêçkirin û manîpulekirina Siyonîst û emperyalîst ve serûbin dibe" û divê xetên şikestinê yên etnîkî û mezhebî û helwestên dijminatiyê werin şikandin. Bahçelî got: "Ev roja yekîtî û hevgirtinê ye. Gelê Îranê dê destûrê nede projeya rêberê xilt ê emperyalîst û fermanên wê. Traktorên li Îranê dê nekevin nav ajotina zeviya xerabe a tu ferzkirin û xapandina bi derve ve girêdayî, dê nebin amûr di lîstikeke wisa xerab de, dê nekevin nav bêîstîqrariya xeternak, dê beşdarî tu neheqiyê nebin, dê tu înîsiyatîfeke êrişkar negirin, dê nexwazin bibin taşeronê emperyalîzmê û dê heta li ser vê yekê jî nefikirin."

 

Bahçelî ku got "Xerabiya siyasî ya siyonîst ku li deverên cuda yên Sûriyeyê digere, serî li her rêbazê dide û hewl dide ku avê şolî bike, yekîtîya navxweyî xera bike û dabeşbûnên navxweyî derxîne holê", îdia kir ku YPG "şaşî li ser şaşiyan kiriye." Bahçelî her wiha got: "Ger Heleb li wir be, pir zelal e ku mişar jî li Şamê ye. Û Trump li ser pêyan ew firotine." 

 

Bahçelî axaftina xwe wiha domand: "Kes, bi taybetî DEM Partî, dê nebêje, an jî nikaribe bibêje ku li Helebê êrişî xwişk û birayên me yên Kurd hatiye kirin û xwîna wan hatiye rijandin; heta ku wisa bike jî, baweriya wê dê kêm be. Xwîna xwişk û birayên me yên Kurd xwîna me ye. Êşa wan êşa me ye.

 

Daxuyaniyên rayedarên DEM Partiyê ku bi "Em Tirkiyeyê hişyar dikin" dest pê dikin û niyeta wan a bêgunehkirin û piştgiriya HSD û YPG'ê, bi rastî jî xemgîn û pirsgirêkdar in. Di demeke wiha de ku her fedakariyek ji bo bidestxistina 'Tirkiyeyeke bêteror' tê kirin, ji nişka ve derketina kolanan bi hinceta Helebê, bikaranîna retorîkên tûj û bikaranîna meseleyê bi derxistina wê ji çarçovê ji Amedê heta Stenbolê, dê fêdê nede tu kesî. Divê were zanîn ku xwîna Tirkekî ji bo Kurdekî qedexe ye û xwîna Kurdekî ji bo Tirkekî qedexe ye. Ji ber ku em bira ne, em çarenûs û xemgîniyê parve dikin.

 

JI XEYNÎ RÊBERÊ DAMEZRÎNER KES NE MUXATAB E

 

Muxatab eşkere ye. Ew ji bilî rêberê damezrîner ê PKK'ê kesekî din nîne. Her çend ez têkoşîna demokratîk û hevseng a DEM Partiyê ji bo ku bibe partiyek Tirkiyeyê dibînim jî, ez bawer dikim ku dubarebûna nexweşiyên kevin, dem bi dem, bi exlaqê berpirsiyariyê re nakok e. Lêbelê, ev partî partiyeke Tirkiyeyê ye û di vê dewletê de, lê  hesajndina tiliya xwe li Tirkiyeyê ne maqül ü böguneh e. Vegerandina aramiyê li Helebê pêşkeftinekw bi xêr e. Bê guman divê yekparçeyiya siyasî û xaka Sûriyeyê were parastin.

 

HSD û YPG, muxatabê wan Komara Sûriyeyê ne. Her çend dema Peymana 10'ê Adarê bi dawî hatibe jî, divê pêvajoya entegrasyonê ku Îmralî jî daxwaza wê dikir, bi têgihîştina hevbeş, nîqaşên avaker û danûstandinan were temamkirin. Girêdana dîrok û erdnîgariyê, germahiya herêmeke aştiyê dê rê û çarenûsa neteweya me û mafên herêmê veke. Ev baweriya me, îradeya me, hêviya me û armanca me ye."