Pêşniyarqanûna bi sernavê "Xurtkirina Hevgirtina Neteweyî û Yekbûna Civakî" ku di çarçoveya Pêvajoya Aştî û Civaka Demokratîk de ya ku bi banga Rêberê Gelê Kurd Abdullah Ocalan dest pê kir, hat amadekirin di 10'ê Tebaxê de bi piraniya dengan li Meclisê hat pejirandin. Her çend pejirandina vê qanûnê nîşana derbasbûna pêvajoyê bo qonaxeke nû be jî, nebûna xalên têkildarî statuya qanûnî ya Abdullah Ocalan û demokratîkbûnê, hîn jî dibe sedema rexneyan. Dayikên Aştiyê banga pêşvebirina pêvajoyê ber bi aştiyeke mayinde û çareseriyeke demokratîk ve kirin.

 

Dayikên Aştiyê, bi bîr xistin ku di nava salan de ji ber şer û pevçûnan berdêleke giran hatiye dayîn û gotin: "Em aştiyeke birûmet dixwazin. Beriya her tiştî, em azadiya rêberê xwe dixwazin." Dayikan êş û azarên ku gelê Kurd kişandiye bibîr xistin û ev pêvajo wekî derfetekê ji bo Kurd û Tirkan pênase kirin û gotin ku derfetek ku divê were nirxandin. Dayikan got: "Me her cure êş û azar dîtine. Em dixwazin ku demildest li kolanan aştî pêk were. Hemû dayikên ku zarokên xwe winda kirine, aştiyê dixwazin."

 

Dayikên Aştiyê ku bal kişandin ser azadiya fizîkî ya Abdullah Ocalan, gotin: "Em baweriya xwe bi rêberê xwe tînin. Beriya her tiştî, em ji bo rêberê xwe azadiya fizîkî dixwazin." Dayikan destnîşan kir ku aştî dê sûdê bide tevahiya civakê û bi bibîrxistina berdêla giran a ku hatiye dayîn, gotin: "Em nasname û zimanê xwe yê zikmakî dixwazin."