Duh ji saetên şevê heta niha li Wanê berf dibare. Barîna berfê bandoreke neyînî li ser jiyana gel kir. Ji ber berfê, trafîk li hatin û çûnê hate girtin û rêyên bajar veguherîn golên avê. 

 

Li hêla din, rêyên 93 gundên navendê û navçeyên wê hatin girtin. Hat zanîn ku li navçeya Miksê rêyên 14 gundan, li Elbakê rêyên 9 gundan, li Şaxê rêyên 21 gundan, li Erdîşê rêyên 9 gundan, li Westanê rêyên 4 gundan, li Payîzavayê rêyên 28 gundan, li Begiriyê rêyên 7 gundan û li Serayê jî rêya gundekî ji ber berfê hatin girtin.