Buroya Hiqûqê ya Asrinê ji bo ‘mafê hêviyê’ serî li Konseya Ewropayê da
NAVENDA NÛÇEYAN - Buroya Hiqûqê ya Asrinê, ji bo mafê hêviyê yê Abdullah Ocalan serî li Komîteya Wezîran a Konseya Ewropayê da.
Komîteya Wezîran a Konseya Ewropayê, di 15-17’ê Îlona 2025’an de mijara “rêgeza hêviyê” ya ji bo Rêberê Gelê Kurd Abdullah Ocalan gotûbêj kir û ji bo cîbicîkirina “mafê hêviyê” heta Hezîranê dem da Tirkiyeyê.
Parêzerên Buroya Hiqûqê ya Asrinê, ji bo agahdarkirina der heqê sepandina “mafê hêviyê” yê Abdullah Ocalan daxwazname pêşkêşî Komîteya Wezîran a Konseya Ewropayê da.
Xalên di daxwaznameyê de cî girtin wiha ne:
“ * Hikûmetê, têkildarî biryara Dadegah Mafên Mirovan a Ewropayê (DMME) ya der heqê doza Ocalan hejmar 2 (biryara mafê hêviyê ya ji bo girtiyên cezayê muebeda giran) heta niha tu gavên şênber neavêtiye. Ji ber vê yekê, em pêşniyar dikin ku ev di civîna 1537’emîn a komîteya we de bê nirxandin. Divê hişyariya ji bo Tirkiyeyê ji nû ve bê kirin û ji raya giştî re bê ragihandin.
* Rexmê derbasbûna 12 salan, têkildarî tevdîtên giştî tu gav nehatine avêtin. Ji ber vê yekê, li gorî xala 46/4.emîn a Peymanê (dema dewletek aliyê peymanê, li gorî PMME’yê tevnegere divê Komîteya Wezîran a Konseya Ewropayê lêpirsînê bide destpêkirin) divê prosesa bibpêkirinê bê destpêkirin.
* Hikûmeta Tirk, divê li gorî rêgezên biryara Dadgeha Mafên Mirovan a Ewropayê tevbigere, qanûnên tehliyekirinê bisepîne û qanûnên tehliyekirinê asteng dikin, biguherîne. Divê ji bo vê yekê bang li hikûmetê bike.
* Divê mînakên doza bi navê Koma Gruban tê nasîn, li Tirkiyeyê bên xurtkirin.”