MÊRDÎN – Ji bo meşa ku dê sibê li Qoserê ji bo protestokirina êrişên li ser Rojavayê were lidarxistin, kolan bi kolan bang tê kirin.

 

Platforma Saziyên Demokratîk ji bo beşdarbûna meşa mezin a ku dê sibê li navçeya Qoserê ya Mêrdînê li dijî êrişên li ser Rojavayê bê lidarxistin, bang kir. Li hemû navçeyên Mêrdînê, bi taybetî li Qoser û Nisêbînê, bang tê kirin û tê xwestin ku sibê saet 13:30'yî de li Qada Azadiyê ya navçeya Qoserê bicivin. Di bangên ku kolan bi kolan tên kirin de wiha hat gotin: "Îro roja xwedîderketina li Rojavayê ye. Îro ne roja bêdengiyê ye. Divê her kes xwedî li Rojavayê derkeve."