NAVENDA NÛÇEYAN - Civîna li Dêr Hafirê ya di navbera şandeya Koalîsyona Navneteweyî û fermandarên HSDˊê de bi dawî bû. Piştî civînê dewriyeya hevbeş li nava bajêr geriya. 

 

Danê nîvro şandeyek ji Koalîsyona Navneteweyî û fermandarên Hêzên Sûriyeya Demokratîk (HSD) çûbû bajarê Dêr Hafirê ya kantona Tebqayê. Li gorî agahiyên ji Dêr Hafirê hatine wergirtin, di navbera koalîsyonê û HSD'ê de civînek hat lidarxistin û piştre dewriyeya hevbeş li nava bajêr geriyan.

 

Hat diyarkirin ku niha civînek din li bajarê Reqayê di navbera efserên Koalîsyona navneteweyî û fermandarên HSD'ê de tê lidarxistin.

 

Li eniyên bajarên Dêr Hafir û Meskenê çend rojin ji aliyên komên girêdayî Hikûmeta Demkî ya Sûriyeyê ve tên hedefgirtin.