
Forûma Avê ya Mezopotamyayê dest pê kir: Em xwedî li xweza û li çavkaniyên avê derkevin

2025-10-17 13:25:46


	&nbsp;

	AMED – Li Amedê ji bo parastina çavkaniyên avê, edaleta ekolojîk û parastina mafê gelan ê avê Forûma Avê ya Mezopotamayayê dest pê kir. Di forûmê de banga “Em xwedî li xweza û li çavkaniyên avê derkevin” hat kirin.&nbsp;

	&nbsp;

	Li ser banga Tevgera Ekolojî ya Mezopotamyayê, Şaredariya Bajê Mezin a Amedê, Kampanyaya Jiyîn a Dîcleyê, Komeleya Ekolojiyê ya Wan û Mêrdînê, Lijneyên Kordînasyona Herêmî ya TMMOB’ê hinek saziyên Sûriye û Iraqê Forûma Avê ya Mezopotamyayê (MSF) dest pê kir. Ji bo parastina çavkaniyên avê, edaleta ekolojîk û parastina mafê gelan a avê 2’yemîn Forûma Avê ya Mezopotamayayê dest pê li Navenda Çandamedê ya li Amedê dest pê kir. Forûma ku dê 3 rojan bidome gelek rêxistinên civaka sivîl, tevgerên ekolojiyê, lêkolînerên aktivîst, nûnerên partiyên siyasî û rojnamevan beşdar bûn.

	&nbsp;

	Axaftina destpêkê endamê Komîteya Amedekariyê Fatîh Şahîn kir. Şahîn diyar kir ku forûmê bal bikşîna ser texrîbatên ekolojîk ên çemên Dîcle, Firat û Gola Wanê.&nbsp;

	&nbsp;

	‘AV NE ÇEK E’

	&nbsp;

	Piştre Hevşaredarê Bajarê Mezin a Amedê Dogan Hatûn axivî. Hatûn, diyar kir ku av ne çek e û divê li dijî vê yekê têkoşîn bê dayîn û ev tişt got:”Me di foruma yekemîn de got ‘av ne çek e’ û ev bû dirûşme. Di şes salên dawî de gelek li ser xweza û avê lîstin; lêbelê hêj jî avê wek çek bikartînin. Destpêka mirovahiyê Mezopotamya ye. Mezopotamya keleha kedê ye. Îro, av vê rolê bi cih tîne.”

	&nbsp;

	‘PIRSGIRÊKA AVÊ KÛR DIBE’

	&nbsp;

	Hevseroka Giştî ya Partiya Herêmên Demokratîk Çîgdem Kiliçgun Ûçar, diyar kir ku di pergala kapîtalîst de pirsgirêka avê her diçe kûr dibe û wiha axîvî: “Erka me ya yekemîn li dijî êrişên kapîtalîzmê parastina çavkaniyên me yên avê ye. Ger em bi tifaq bin em bawer in ku em ê karibin xweza û çavkaniyên avê xilas bikin. Em bangî hemû derdorên welatparêz û demokratîk dikin: Em xwedî li çavkaniyên avê derkevin. Di vê çarçoveyê de em ev forûm xizmeteke mezin dike.Ev yek hem ji aliyê dîrokî hem jî ji aliyê siyasî ve girîng e. Akedemîsyen, aktivîst û lêkolîner ji bo pirsgirêka avê gotûbêj bikin li vir civiyane.”

	&nbsp;

	‘AV JI BO HEMÛ EKOSÎSTEMÊ PIR GIRÎNG E’

	&nbsp;

	Endama Tevgera Ekolojî û Avê ya Mezopotamyayê Derya Akyol, got: “Av ne tenê ji bo mirovan herwiha ji bo hemû ziniyan çavkaniya jiyanê ye. Berdewamiya ekosîstemê bi avê ve girêdayî ye. Pêşeroja mirovahiyê bi jiyana hevsen a bi xweza û parastina çavkaniyên avê ve pêkan e.”&nbsp;

	&nbsp;

	Civîna 2’yemîn a forûmê bi awayeke ji çapemeniyê re girtî, didome.

	&nbsp;