
Îsraîl dê Xezeyê dagir bike: Leşkerên cîgir vexwendin leşkeriyê  

2025-08-20 10:10:55


	NAVENDA NÛÇEYAN - Wezîrê Parastinê yê Îsraîlê Îsral Katz, plana dagirkirina Xezeyê erê kir û ji bo tevlibûna operasyonê fermana tevlibûnê da 60 hezar leşkerên cîgir.&nbsp;

	&nbsp;

	Li gorî medyaya Îsraîlê; Wezîrê Parastinê Îsrael Katz, plana dagirkirina Xezeyê ya artêşê erê kir. Wezîr Katz, plana dagirkirinê weke “Cîbicîkirina biryara qebîneyê ya ji bo kontrolkirina bajarê Xezeyê” pênase kir.&nbsp;

	&nbsp;

	Katz, anî ziman ku di nava hedefên stratejîk ên operasyonê de “berdana hemû dîlgirtiyan, jihevbelavkirina avadaniya leşkerî ya Hamasê û sirgunkirina lîderên wê, bêçekkirina Xezeyê, avakirina herêmeke tampon a biewle ya li ser sînorê Îsraîlê û domandina azadiya operasyoneyî ya artêşa Îsraîlê ya li herêmê” hene.&nbsp;

	&nbsp;

	Katz, bi domdarî ev îdiaye kir: “Dema operasyon temam bû, dê berê Xezeyê biguhere û dê neşibe halê xwe yê berê. Dê herêm bi awayekî radîkal were guherandin.”&nbsp;

	&nbsp;

	Katz, di heman demê de ferman da ku 60 hezar leşkerên cîgir tev li operasyonê bibin. Bi plana hatiye erêkirin re tê armanckirin ku nêzî milyonek Filistînî koçî başûrê Filistînê bên kirin.&nbsp;

	&nbsp;

	&nbsp;

	&nbsp;

	&nbsp;

	&nbsp;