
Yildirim hate definkirin

2024-05-26 08:23:57


	AMED - Cenazeyê Mehmet Yildirim ê li navçeya Liceyê hatibû qetilkirin bi girseyî hate definkirin.&nbsp;

	Welatiyê bi navê Mehmet Yildirim (45) ku bavê 4 zarokan bû, di 24’ê gulanê de li gundê Nenyas ê navçeya Lice ya Amedê ji hêla leşkerên derketin operasyonê ve hate qetilkirin. Cenazeyê Yildirim duh bi şev ji Saziya Tipa Edlî (ATK) hate wergirtin û birin gundê wî Nenyasê. Cenaze piştî wecîbeyên olî bi girseyî hate definkirin. Di dema merasîma definkirinê de girseyê dirûşma “Şehîd namirin” berz kirin.&nbsp;

	&nbsp;

	Hevseroka Giştî ya Partiya Herêmên Demokratîk (DBP) Çîgdem Kiliçgun Uçar, Parlamenterê Partiya Wekhevî û Demokrasiyê ya Gelan (DEM Partî) ê Amedê Serhat Eren, endamên Komeleya Yekitî, Çand û Piştevaniya bi Malbatên Xizmên Xwe li Şaristaniyê Windakirin re (MEBYA-DER), xizmên girtiyan ên di çalakiyê de û gelek partiyî tev li merasîma definkirina cenazeyî bûn.&nbsp;

	&nbsp;