'Hûn nikarin mirovekî heta mirinê di girtîgehê de ragirin'

Rojane
|
4 Adar 2026 09:26
|

AMED - Serokê Baroya Êlihê Abdulhamît Çakan diyar kir ku Rêberê Gelê Kurd Abdullah Ocalan mîmarê pêvajoya aştiyê ye û got: "Ji bo ku mîmarê pêvajoyê heta mirinê di girtîgehê de nemîne, divê pergala înfazê were guhertin. Hûn nikarin bi qanûnan mirovekî heta mirinê di girtîgehê de ragirin."

Di ser biryara Dadgeha Mafên Mirovan a Ewropayê (DMME) re ya ku dibêje ragirtina Rêberê Gelê Kurd Abdullah Ocalan a bêyî îxtîmala tehliyeyê binpêkirina "mafê hêviyê" ye, 12 sal derbas bûn. Lêbelê Tirkiyeyê di vî warî de tu gavên qanûnî neavêtine. Gelek baro û hiqûqnasên ku ev mijara ku di rojeva Komîteya Wezîran a Konseya Ewropayê de ye, dixwazin ku di warê verastkirina qanûnî de tavilê gav werin avêtin. Hevserokê Baroya Êlihê Abdulhamît Çakan ku xwest di mijara "mafê hêviyê" de gav werin avêtin, destnîşan kir ku nabe mirovek heta mirinê di girtîgehê de were ragirtin.

BILA HIQÛQA NAVNETEWEYÎ WERE CÎBICÎKIRIN

Çakan ji bo sepandina biryarên DMME'yê bang kir û ev tişt got: "Bi salan e em vê yekê dibêjin, di çarçoveya hiqûqa mafên mirovan de hûn nikarin mirovekî, çi sûcek kiribe an jî bi kîjan sûcî were sûcdarkirin bila bibe, heta mirinê di girtîgehê de ragirin. Ji ber vê cezayê bidarvekirinê hate rakirin. Li cihên ku cezayê bidarvekirinê lê hatiye rakirin, heke sûcê kesekî di dadgehan de teqez bibe jî, divê bi qaîdeyan were diyarkirin ku ew ê kengî ji girtîgehê derkeve. Lê belê dewletê ev maf neda hinekan. Bi salan e ev tê nîqaşkirin. Biryarên Dadgeha Mafên Mirovan hene, biryarên Peymana Mafên Mirovan a Ewropayê hene. Divê hiqûqa navneteweyî were cîbicîkirin."

'HÛN NIKARIN MIROVEKÎ HETA MIRINÊ DI GIRTÎGEHÊ DE RAGIRIN'

Çakan da anî ziman ku divê qanûnekê ku diyar bike girtî dê kengî derkevin hebe û wiha pê de çû: "A rast di hemû welatên ku demokrasiya wan pêşketî û pergala wan a hiqûqê bi pêş ketiye de, divê dîroka tehliyeya kesekî ji wê girtîgehê diyar be. Lêbelê li vir ev tune ye. Mafê hêviyê têkildarî vê ye. Divê hûn mirovekî heta mirinê di girtîgehê de ranegirin. Di vî warî de mafê hêviyê girîng e. Niha pêvajoyek heye û mîmarê vê pêvajoyê rêzdar Ocalan e. Bi saya vê pêvajoyê êdî cenaze nayên, divê ev yek jî li ber çavan were girtin. Ji bo ku mîmarê pêvajoyê heta mirinê di girtîgehê de nemîne, divê pergala înfazê were guhertin. Hûn nikarin bi qanûnan mirovekî heta mirinê di girtîgehê de ragirin."

XALA 90'Î YA DESTÛRA BINGEHÎN

Çakan diyar kir ku li gorî Xala 90'î ya Destûra Bingehîn peymanên navneteweyî di hukmê qanûnan de ne û destnîşan kir ku sepandina biryarên DMME'yê pêwîst e. Çakan bal kişand ser gotinên Serokê Giştî yê MHP'ê Devlet Bahçelî yên der barê "mafê hêviyê" de û dirêjî da axaftina xwe: "Gotinên wî girîng in. Nexşerêyekê vê pêvajoyê heye lê em dixwazin ku ev pêvajo bilez bibe. Ez bawer dikim ku ev verastkirin dê werin kirin. Em ji bo lezkirina wê hewl didin. Divê gav zû werin avêtin. Li cîhanê mînakaên ku pêvajoyên şer û pevçûnan bi dawî bûne, hene. Divê gavên têkildarî mafên mirovan, serweriya hiqûqê, demokrasî û hemwelatiya wekhev tavilê werin avêtin."

MA / Fethî Balaman - Rûkiye Payîz Adiguzel

Nûçeyên Têkildar

Karsaz Demîrcî: Pêvajoya birêz Ocalan daye destpêkirin firsende

Karsaz Osman Demîrcî, pêvajoya li Tirkiyeyê weke rêya rizgariya ji krîza aborî nirxand û got: “Pêvajoya aştiyêya birêz Ocalan daye destpêkirin û ji bo wê canê xwe daniye holê, di esasê xwe de aborî ye, refah e.”

Aborî-Ked
11:20 02

Peyama Newrozê ya Abdullah Ocalan: Di destê me de ye ku em vê salê veguherînin sala azadiyê

Di pîrozbahiya Newrozê ya Amedê de peyama Rêberê Gelê Kurd Abdullah Ocalan hate xwendin: “Di destê me de ye ku em îsal ji bo tevahiya gelên Rojhilata Navîn veguherînin saleke rasteqîn a azadiyê.”

Rojane
13:14 21/3

Ji bo rakirina tecrîdê û ‘mafê hêviyê’ kampanyaya îmzeyan hat destpêkirin

Komîteya Parastina 'Mafê Hêviyê' û Hevdîtina bi Abdullah Ocalan re ya Navneteweyî, ji bo rakirina tecrîda li ser Abdullah Ocalan û cîbicîkirina “Mafê hêviyê”, dest bi kampanyayeke îmzeyan a navneteweyî kir.

Cîhan
10:56 20/3

Abdullah Ocalan: Em ê bi xurtkirina hêza xwe çareseriyê pêş bixin

Rojane
09:06 18/3

Partiyên sosyalîst ji bo guhertina mercên Ocalan bang kirin

Nûnerên SOLDEP, YSP û SYKP’ê diyar kirin ku ji bo Pêvajoya Aştî û Civaka Demokratîk bi pêş ve biçe, gava ewil ew e ku ji bo Abdullah Ocalan mercên azad bên amadekirin.

Rojane
09:02 15/3

18/04/2026
10:54	Trump gefên xwe yên li Îranê didomîne
17/04/2026
09:26	Agirbesta di navbera Îsraîl-Lubnanê de kete meriyetê
16/04/2026
17:19	DYA: Dorpêça li ser Hurmuzê dê bidome
12:22	Li dijî Ûkraynayê êriş: 15 kesan jiyana xwe ji dest dan
15/04/2026
12:39	Keştî wergeriya: 250 kes winda bûn
12:09	Rexmê agirbestê Îsraîl êrişî Lubnanê kir: 5 kes hatin qetilkirin
14/04/2026
14:58	NY: Li Sûdanê bi deh hezaran kes mirin
12/04/2026
13:08	Rûsya û Ûkraynayê di mijara ‘agirbestê’ de hev sûcdar kirin: Bi hezaran caran hat binpêkirin
11/04/2026
22:45	Tûra duyem a hevdîtinên DYA-Îranê temam bû
10/04/2026
20:23	Trump gefên xwe yên li ser Îranê didomîn
15:03	UNICEF: Di êrişên Îsraîlê de 33 zarokan jiyana xwe ji dest dan
09/04/2026
13:20	Rejîma Îranê li Serbazê avêt ser gundekî
08/04/2026
21:09	Çapemeniya Îranê: Tehran hat bombebarankirin
20:38	Ajansa Nûçeyan a Farsê: Îranê Tengava Hurmuzê girt
14:22	Pezeşkiyan têkildarî ‘agirbestê’ daxuyanî da

'Hûn nikarin mirovekî heta mirinê di girtîgehê de ragirin'

Nûçeyên Têkildar

Sernavên din

18/04/2026

17/04/2026

16/04/2026

15/04/2026

14/04/2026

12/04/2026

11/04/2026

10/04/2026

09/04/2026

08/04/2026