ELÎH - Welatiyên taxa Cumhuriyetê ya kîlometreyek dûrî navçeya Qûbînê ya Êlihê ye, ji ber nebûna pergala binesaziyê, pêdiviyên xwe bi du xortoman bi cih tînin. Li ber deriyê her malekê du xortom hane û ji wan her du xortoman, pêdiviyên xwe yên ava vexwarinê û avadaniya baxçeyên xwe pêk tînin..
Taxa Cumhuriyetê ya nifûsa wê 600 kese berî bibe tax gundekê navçeya Qûbîna Êlihê bû. Welatiyên taxê ji ber, nebûna pergala binesaziyê ya ava vexwarinê û kanalîzasyonê, mexdûrin. Welatiyên taxê, pêdiviyên xwe yên ava vexwarinê, bi salane ji bîrên bi derfetên xwe kolandine pêşwazî dikin û li taxê pergala kanalîzasyonê jî tuneye.
Ji ber vê yekê li ber her malekê du xortom hene. Ava vexwarinê di xortomekê re tê û ava robar a ji bermahiyên taxê kom dibe jî di xortoma duyemîn re tê û welatiyên taxê bi vê avê jî zeviyên xwe av didin. Bi taybetî di germa havînê de, ji ber bêhna qirêj a heyî mirov nikare derve de raweste. Welatiyên taxê yên ji xizmeta pergala binesaziyê bêpar hatine hiştin, ligel hemû serlêdanên kirin jî, tu bersiv ji bo wan nehat dayîn.
MÛXTAR: ÇAWAN KU QEYÛM HAT TAYÎNKIRIN PROJE RAWESTAND
Mûxtarê Taxê Alî Riza Balci, diyar kir ku piştî di hilbijartina herî dawî ya şaredariyê de Partiya Herêmên Demokratîk (DBP) qezenc kir ev proje amade kir û ji sedî 50’î hat qebûlkirin. Balci, anî ziman ku lê dema dest bi projeyê hat kirin de qeyûm tayînê şaredariyê hat kirin û ji ber vê yekê proje di nîvekê de ma.
Balci, da zanîn ku ji bo destpêkirina projeyê wan serlêdan kir û wiha axivî: “Lê bi tu awayî bersiv nedan me. Berî her tiştî divê em ji derdî xelas bibin. Em bacayên xwe didin, lê tu xizmetê nabînin. Di her malekê de depoyekê avê heye. Her malbatek nêzî 7 û 10 hezar TL didin ji bo bîrekê avê ya 100-150 metrî bikolin. Li her malê bi metreyan xortom hene. Di sedsla 21’emîn de taxeke qerase van pirsgirêkan dijî.
‘JI BER NEXWEŞÎ Û MÊŞAN EM BÊZAR BÛNE’
Ji welatiyên taxê Faîk Ayhan jî, diyar kir ku ew ji neçarî bi ava malê ya qirêj bexçeyên xwe ava didin û wiha bilêv kir: “Hemû malbatên taxê bi heman pergalî pêdiviyên xwe derbas dikin. Di serdemek wiha de me bi xwe ava xwe temîn dikin. Kanalîzasyon tuneye. Ji ber nexweşî, mêş û pîşiyan em bêzar bûne. Em dixwazin pergala binesaziya taxa me bê çêkirin.”
'KÖYDEN FARKIMIZ YOK’
Rifat Balci jî, anî ziman ku ji xwe ve statûya taxê dane gundê wan û wiha got: “Lê bi tu awayî xizmet nayê kirin. Gundê me îro bûye tax, lê tu ferqa wê ji ya gundan tuneye. Em dixwazin demildest binesaziya taxa me bê çê kirin û em jî rehet bibin.”
ŞEREDARIYÊ: AGAHIYA ME TUNEYE!
Ji ber pirsgirêkên welatiyên taxê anîn ser ziman, me bi telefonê li şaredariyê geriya û xwe gihand rayedarên Şaredariya Qûbînê ya rêveberiya qeyyûmê. Lê ligel hemû serlêdanan jî, ji me re gotin ‘derbarê mijarê de tu agahiya wan tuneye û ji ber vê yekê dê nekarin agahî bidin.”
MA / Metîn Yoksu