‘Ji bo gelê Bedlîsê HDP cihê hêviyê ye'

  • rojane
  • 09:21 9 Hezîran 2018
  • |
img

BEDLÎS - Namzeta HDP'ê ya Bedlîsê Sevda Tabak Yamaç, 20 sal in esnaftiyê dike. Yamaç, anî ziman ku hêviya gelê bajêr ji HDP'ê heye û got: "Divê herkes dengê xwe bi kar bîne û xwedî li sindoqên xwe derkevin û wan biparêzin." 

Namzeta HDP'ê ya Bedlîsê Sevda Tabak Yamaç, 20 sal in esnaftiyê dike. Yamaç, di sala 1997'an de ji ji neçarî koçî Mereşê kir û piştî 10 salên li Mereşê vegeriya Wanê. Yamaç 20 salan atolyeyek bi rê ve bir û her wiha li navendên perwerdehiya gel de jî di warê kincên jinan de xebitî. Yamaç, di sala 1997'an de li Mereşê di avakirina Partiya Gel a Demokratîk (DEHAP) de cih girt û wekî alîgira serokatiya partiyê ya bajêr û baskên jinan de cih girt. 
 
Yamaç, diyar kir ku parlemento jî qadeke têkoşînê ye û got: "Niha pêvajoya ku em têde ne pêvajoyeke pir giran e. Loma wisa difikirim ku ev hilbijartin ji bo gelê kurd têkoşîna rizagriyê ye. Wisa difikirim ku 'divê ez jî di nav de bim.' Em bername û sekna partiyên siyasî yên li Tirkiyeyê dizanin. HDP, partiyeke ku herkesî dihebîne û temsîliyeta wekheviyê esas digire. Tekane partiya ku jin têde cih dibînin HDP ye. Di vî warî de em pratîka partiyên siyasî yên din jî dibînin. Ji ber ku aştî û demokrasiyê diparêze û di vî warî de projeyên wê hene, ez bûm namzet. Di heman demê de ji bo hemû qadên jiyanê projeyên HDP'ê hene û prtaîka wê jî heye." 
 
‘JIN Û CIWAN BI HÊVÎ Û HEYECAN IN' 
 
Yamaç, bilêv kir ku ew di çarçoveya xebatên hilbijartinê de li Bedlîsê li qadan dixebitin û der barê xebatan de ev tişt gotin: "Hilbijêr pir kêfxweş in. Li Bedlîsê nemaze jin û ciwan bihêvî ne. Xebatên ku em li qadan dikin, pir coşdar in. Hilbijêr moral û motîvasyonê didin me. Bi taybetî jî gundî eleqeyeke zêde nîşanî hilbijartinê didin. Belkî jî ev yek ji ber êşên ku kişandibin be jî. Armanca me ew e ku em dixwazin xwe bigihînin herkesî. Her ku hilbijartin nêz dibe em xebatên xwe jî dilezînin. Em jî bi qasî hilbijêran bihêvî ne. Gel ji HDP'ê bi hêvî ye û destekê didê." 
 
‘TU ELEQEYA KESÊN KU GORISTAN TEXRÎB KIRIN BI ÎSLAMIYETÊ RE TUNE YE' 
 
Yamaç, bilêv kir ku polîtîkayên AKP'ê bandoreke neyînî li mirovan kiriye û mirov ji van polîtîkayan nerihet dibin. Her wiha Yamaç, li Goristana Xerzanê ya Bedlîsê derxistina 267 cenazeyên PKK'yiyan bi bîr xist û got: "AKP argumana xwe ya siyasî di ser olê re dike. Em dibînin ku goristanan jî tehamul nake. Belkî hestiyên cenazeyan jî nemabe, lê wê axê jî tehamul nake û wê tarûmar dike. Tu eleqeya vê ferasetê bi îslamiyetê re tune ye." 
 
‘DIVÊ HERKES BIÇE SER SINDOQAN Û DENGÊ XWE BI KAR BÎNE' 
 
Yamaç, anî ziman ku HDP ji bo gelên Tirkiyeyê cihê hêviyê ye. Yamaç bang li hilbijaran kir û destnîşan kir ku berpirisyarî dikeve ser milê gel û got: "Divê herkes dengê xwe bi kar bîne û xwedî li sindoqên xwe derkeve û wan biparêze." 
 

Sernavên din

17/06/2018
22:43 Demîrtaş li Girtîgeha Edîrneyê di TRT de axivî:
Sekna we teminata pêşeroja ronî ya Tirkiyeyê ye
16/06/2018
14:30 Taşdemîr: Hilbijêrên AKP'î derbasî HDP'ê dibin
11:42 Temellî: Roja biryara hilbijartinê girtin ev bûyer diyar bû
09:11 Riza Turmen: Ji ber HDP heviya demokrasiyê ye êrîş dikin
09:10 Dayika Cemile: Destê xwe dînin ser wîcdanê xwe û dengê xwe bidin
09:09 Jina 79 salî li dijî betaliyê kar ava kir
15/06/2018
18:36 Cenazeyên Şenyarar ên birayên hev ji aliyê hezaran ve hatin defin kirin
16:33 Polîsan li Pirsûsê mudaxaleyî merasima cenazeyên Şenyaşar kirin
12:13 Bav bernamzetê AKP’ê bû keç namzetê HDP'ê ye
10:30 Temellî: Em dê bi derbaskirina bendê lîstikên Erdogan xera bikin
09:21 Li kolanên Îzmirê tenê HDP heye
13/06/2018
19:04 Erdogan: Ez nikarim vê li derve biaxivim divê HDP di bin bendê de bimîne
12/06/2018
10:56 ‘Erka cemaetan ewe ku banga edaletê bikin’
09:25 Komîsyona Hilbijêrên bi Tevger: Serî li me bidin
09:23 Namzetê Stenbolê Daş: Ez ê ji bo mafê perwerdehiya bi zimanê zikmakî bixebitim
09:19 Mîroglû: Ji bo careke din Hatay bibe bajarê aştî û aramiyê ew ê bitêkoşin
10/06/2018
10:00 'Aqûbeta hat serê Gulen dê bê serê Erdogan jî'
09:14 Atay: Em dê kolanê bibin meclîsê û meclîsê jî daxin kolanan
09:12 'Em li şûna sozê bidin, dawetî têkoşîna hevpar dikin'
09:06 Namzetê Hatayê Nalbant: Li dijî pişavtin, înkar û îmhayê dengê xwe bidin HDP’ê