Namzeta Dîlokê Şîmşek: HDP pêşeroja welat e

  • rojane
  • 09:20 3 Hezîran 2018
  • |
img
DÎLOK – Namzeta HDP'ê ya Dîlokê Berîvan Ozpolat Şîmşek got: "HDP, hem li Dîlokê hem jî li tevahiya welat li cihekî girîng e. Ji ber vê divê hemû kesên ji ber rejîma yekzilamî û îktîdara Qesrê nerihet in xwedî li HDP'ê derkevin. HDP, pêşeroja vî welatî ye." 
 
Namzeta parlementeriyê ya HDP'ê ya Dîlokê Berîvan Ozpolat Şîmşek, diyar kir ku wê bi salan li eywanên dadgehan li hemberî tasfiyekirina siyaseta kurd ya bi destê darazê pêk tê têkoşiyaye û wê xwestiye piştî 24'ê Hezîranê êdî vê têkoşîna xwe li meclîsê bidomîne. Şîmşek, bilêv kir ku îktîdarê ji bil neçareserî, şer û çewisandinê tu tişt neaniye vî welatî. 
 
‘HDP LI CEM JINÊ CIH DIGIRE' 
 
Şîmşek, diyar kir ku ji ber ku HDP bi awayekî wekhev nêzî jin û mêran dibe ew bûye namzet. Şîmşek, destnîşan kir ku HDP xwedî têkoşîneke ji 40 salî zêdetir e û got: "Di warê jinê de hin weadên partiyên din hene, lê belê ev dûrî rastiyê ne. Di 16 salên îktîdara AKP'ê de herî zêde me jinan êş kişand. Hem di warê xizaniyê de hem jî di warê windakirina zarokên xwe de pir êş kişandin. HDP, di vî warî tim li hemberî muameleya kirêt sekiniye. Li welat di warê xala jinê de gelek tişt guherandin. Lê partiyên muxalefetê yên din tenê li bêqîmetkirina jinê temaşe kirin." 
 
‘ERDOGAN ÇI BIXWAZE DARAZ WÎ TIŞTÎ DIKE' 
 
Şîmşek, bal kişand ser beyanameya hilbijartinê ya îktîdarê û got: "16 sal in tu pirsgirêk çareser nekirin, ma qey dê niha çareser bikin." Şîmşek, bilêv kir ku îktîdarê welat veguherandiye girtîgeheke vekirî û loma weadên wê yên ji bo demokrasiyê ne bawerker in. Şîmşek bal kişand ser rewşa darazê û got: "Di serdema Hîtler de ji dadgeran re wiha dihat gotin: 'Eger li şûna we Hîtler hebûna û çi bikirana, hûn jî wî bikin.' Niha heman tişt ji bo Erdogan jî derbasdar e. Erdogan çi bixwaze dozger û dadger wê dikin. Ev rewş ne nû ye, tenê di dema AKP'ê de zêdetir bû. Îr daraz dev ji kar û barê xwe berdaye, tenê bi siyasetmedarên kurd re eleqedar dibe. Îro HDP'î bi sedemên hêsan û komîk tên girtin. Mirov û parêze nikarin xwe biparêzin. Daraz û îktîdar çi qasî dixwaze bila ewqasî kurdan bigire. Em ji girtîgehan natirsin." 
 
Şîmşek, destnîşan kir ku li gelek welatên cîhanê girtîgeh tên girtin, lê belê li Tirkiyeyê girtîgehên nû tên çêkirin û wekî weadek be îktîdar girtîgehan berpêş dike. Şîmeşk, got ji îktîdareke ku girtîgehan wekî weadan berpêş dike tu tişt dernayê. Şîmşek domand: "Behsa demokrasî û azadiyê dikin. Lê li hêla din jî girtîgehên nû çêdikin. Ev mînaka herî mezin e ku êdî îktîdar tengijiye. Dê HDP rê li ber vê rewşê vebike. HDP, hem li Dîlokê hem jî li tevahiya welat li cihekî girîng e. Ji ber vê divê hemû kesên ji ber rejîma yekzilamî û îktîdara Qesrê nerihet in xwedî li HDP'ê derkevin. Em niha wê xwedîlêderketinê jî dibînin. HDP, pêşeroja vî welatî ye. Mirov di vê çarçoveyê de lê dinerin." 

Sernavên din

17/06/2018
22:43 Demîrtaş li Girtîgeha Edîrneyê di TRT de axivî:
Sekna we teminata pêşeroja ronî ya Tirkiyeyê ye
16/06/2018
14:30 Taşdemîr: Hilbijêrên AKP'î derbasî HDP'ê dibin
11:42 Temellî: Roja biryara hilbijartinê girtin ev bûyer diyar bû
09:11 Riza Turmen: Ji ber HDP heviya demokrasiyê ye êrîş dikin
09:10 Dayika Cemile: Destê xwe dînin ser wîcdanê xwe û dengê xwe bidin
09:09 Jina 79 salî li dijî betaliyê kar ava kir
15/06/2018
18:36 Cenazeyên Şenyarar ên birayên hev ji aliyê hezaran ve hatin defin kirin
16:33 Polîsan li Pirsûsê mudaxaleyî merasima cenazeyên Şenyaşar kirin
12:13 Bav bernamzetê AKP’ê bû keç namzetê HDP'ê ye
10:30 Temellî: Em dê bi derbaskirina bendê lîstikên Erdogan xera bikin
09:21 Li kolanên Îzmirê tenê HDP heye
13/06/2018
19:04 Erdogan: Ez nikarim vê li derve biaxivim divê HDP di bin bendê de bimîne
12/06/2018
10:56 ‘Erka cemaetan ewe ku banga edaletê bikin’
09:25 Komîsyona Hilbijêrên bi Tevger: Serî li me bidin
09:23 Namzetê Stenbolê Daş: Ez ê ji bo mafê perwerdehiya bi zimanê zikmakî bixebitim
09:19 Mîroglû: Ji bo careke din Hatay bibe bajarê aştî û aramiyê ew ê bitêkoşin
10/06/2018
10:00 'Aqûbeta hat serê Gulen dê bê serê Erdogan jî'
09:14 Atay: Em dê kolanê bibin meclîsê û meclîsê jî daxin kolanan
09:12 'Em li şûna sozê bidin, dawetî têkoşîna hevpar dikin'
09:06 Namzetê Hatayê Nalbant: Li dijî pişavtin, înkar û îmhayê dengê xwe bidin HDP’ê