'Sindoqan bibin Enqereyê jî em ê biçin û deng bidin'

img
COLEMÊRG - Piştî ku YSK'ê bi hinceta "ewlehiyê" biryara veguhastina sindoqên li hin deverên Colemêrgê da, şêniyên bajêr bertek nîşanî vê yekê dan û gotin: "Eger sindoqan veguhêzin Enqereyê jî, ew ê biçin dengê xwe bidin." 
 
Di hilbijartina 7'ê Hezîrana 2015'an de li Colemêrgê HDP ji sedî 86,4, AKP ji sedî 8,78, MHP ji sedî 2,49, CHP jî ji sedî 1,02 deng girtibûn. Di hilbijartina 1'ê Mijdara 2015'an de jî HDP ji sedî 83,7, AKP ji sedî 12,62, MHP ji sedî 1,44 û CHP jî ji sedî 1,22 deng girtibûn. Hilbijêrên ku dê sindoqên wan bên veguhastin, diyar kirin ku dê ev yek nikaribe wan asteng bike. 
 
'EM Ê JI VÊ ZILMÊ XELAS BIBIN' 
 
Şîrîn Duşkunê ku li gundê Nîspas ê Colemêrgê dijî, anî ziman ku wan dixwest ew li gundê xwe dengê xwe bi kar bînin, lê belê sindoqên wan bi zorê hatine veguhastin. Duşkun, anî ziman ku dîsa jî ew ê biçin dengê xwe bidin û got: "Em doza mafê xwe dikin. Loma em ê di 24'ê Hezîranê de dengê xwe bidin HDP'ê. Bi îzna Xwedê em ê ji vê zilmê xelas bibin." Mehmet Tahîr Engînê ku li mezrika Serbera ya gundê Bêtkarê dijî, destnîşan kir ku sindoqan veguhêzînin kuderê jî ew ê biçin dengê xwe bidin partiya xwe HDP'ê. Engîn got: "Em dixwazin herkes dengê xwe li gundê xwe bi kar bîne. Lê em niha di pêvajoya Rewşa Awarte de ne. Ji bo xatirê HDP û Selahattin Demirtaş, ew sindoqan bibin deynin serê çiyayan jî, em ê biçin û dengê xwe bi kar bînin." 
 
‘JI BO ZAROKÊN ME YÊN DI GIRTÎGEHAN DE' 
 
Hasan Engînê ku li mezrika serbera dijî, diyar kir ku kurê wî ji ber hin sedemên siyasî bi salan e di girtîgehê de ye û ew ê ji bo hemû girtiyên siyasî dengê xwe bi kar bînin. Emîn Kaval ku li gundê Bêtkarê rûdinê jî, anî ziman ku ew sindoqan bibin Enqereyê jî ew ê biçin dengan bi kar bînin. Kaval, bilêv kir ku ew sindoqan bibin kuderê Colemêrgê jî ew ê biçin dengê xwe bi kar bînin û got: "Jixwe li van deran em bi çewisandinên dijwar re rû bi rû ne. Lê dîsa jî em di vê hilbijartinê de serî rakin û destekê bidin partiya xwe." 
 
Hamît Kûrt, destnîşan kir ku ji bo dawî li vê rejîma çewisîner bê çi ji destê wan bê ew ê bikin û got: "Di hemû şert û mercan de em ê xwedî li dengê xwe derkevin. Ev deynê me ye." Zînê engîn jî anî ziman ku ew ê ji bo aştiyê deng bide û got: "Li kuderê dibe bila bibe ew ê dengê xwe bi kar bîne. Çimkî em aştiyê dixwazin. Em naxwazin ne leşker û ne jî gerîla bimirin. Em ê ji bê vê dengê xwe bi kar bînin." Heybet Engîn jî got: "Em bi kîlometreyan jî bimeşin, em ê biçin û dengê xwe bi kar bînin." 

Sernavên din

17/06/2018
22:43 Demîrtaş li Girtîgeha Edîrneyê di TRT de axivî:
Sekna we teminata pêşeroja ronî ya Tirkiyeyê ye
16/06/2018
14:30 Taşdemîr: Hilbijêrên AKP'î derbasî HDP'ê dibin
11:42 Temellî: Roja biryara hilbijartinê girtin ev bûyer diyar bû
09:11 Riza Turmen: Ji ber HDP heviya demokrasiyê ye êrîş dikin
09:10 Dayika Cemile: Destê xwe dînin ser wîcdanê xwe û dengê xwe bidin
09:09 Jina 79 salî li dijî betaliyê kar ava kir
15/06/2018
18:36 Cenazeyên Şenyarar ên birayên hev ji aliyê hezaran ve hatin defin kirin
16:33 Polîsan li Pirsûsê mudaxaleyî merasima cenazeyên Şenyaşar kirin
12:13 Bav bernamzetê AKP’ê bû keç namzetê HDP'ê ye
10:30 Temellî: Em dê bi derbaskirina bendê lîstikên Erdogan xera bikin
09:21 Li kolanên Îzmirê tenê HDP heye
13/06/2018
19:04 Erdogan: Ez nikarim vê li derve biaxivim divê HDP di bin bendê de bimîne
12/06/2018
10:56 ‘Erka cemaetan ewe ku banga edaletê bikin’
09:25 Komîsyona Hilbijêrên bi Tevger: Serî li me bidin
09:23 Namzetê Stenbolê Daş: Ez ê ji bo mafê perwerdehiya bi zimanê zikmakî bixebitim
09:19 Mîroglû: Ji bo careke din Hatay bibe bajarê aştî û aramiyê ew ê bitêkoşin
10/06/2018
10:00 'Aqûbeta hat serê Gulen dê bê serê Erdogan jî'
09:14 Atay: Em dê kolanê bibin meclîsê û meclîsê jî daxin kolanan
09:12 'Em li şûna sozê bidin, dawetî têkoşîna hevpar dikin'
09:06 Namzetê Hatayê Nalbant: Li dijî pişavtin, înkar û îmhayê dengê xwe bidin HDP’ê