
Şandeya HDP û KCD'ê serdana xwe temam kir

2019-09-11 15:43:42


	NAVENDA NÛÇEYAN - Şandeya HDP û KCD'ê serdana xwe ya Herêma Federê ya Kurdistanê temam kir û vegeriyan Tirkiyeyê. Şandeyê di serdana xwe de bi Serokkomarê Iraqê Berhem Salih, bi Serokê Giştî yê PDK'ê Mesût Barzanî û Serokê Herêma Federa ya Kurdistanê Nêçîrvan Barzanî re hevdîtin pêk anî.&nbsp;

	&nbsp;

	Şandeya Partiya Demokratîk a Gelan (HDP) û Kongreya Civaka Demokratîk (KCD) ku ji bo li ser pirsgirêka kurd, polîtîkayên şer, pirsgirêkên herêmî û yekîtiya neteweyî hevdîtinan bike, di 7'ê îlonê de çûbû Herêma Federe ya Kurdistanê, serdana xwe temam kir û vegeriya Tirkiyeyê. Di heyetê de Hevserokê Giştî yê HDP'ê Sezaî Temellî, Hevserokê KCD'ê û Parlamenterê HDP'ê yê Agiriyê Berdan Ozturk, Serokwekîla Koma HDP'ê û Parlamentera Mersinê Fatma Kûrtûlan, Cîgirê Hevserokê Giştî Nazmî Gur, Parlamanenterê HDP'ê yê Amedê Îmam Taşçier cih girtibûn.

	&nbsp;

	GELEK HEVDÎTIN KIRIN

	&nbsp;

	Şande di çarçoveya serdana xwe de bi Serokkomarê Iraqê Berhem Salih, Serokê Giştî yê Partiya Demokrata Kurdistanê (PDK) Mesût Barzanî, Serokê Herêma Federa ya Kurdistanê Nêçîrvan Barzanî û rayedarên Yekitiya Niştemaniya Kurdistanê (YNK), Tevgera Guhertinê (Goran) û Koalîsyona Nifşê Nû (Nifşê Nû) re hevdîtin pêk anî.&nbsp;

	&nbsp;

	MECLISA JINÊ JÎ ÇÛBÛ

	&nbsp;

	Beriya Şandeya HDP û KCD'ê şandeya Meclisa Jinan a HDP'ê ku ji Parlamentera HDP'ê ya Êlihê Feleknas Ûca, Parlamentera Şirnexê ya HDP'ê Nûran Îmîr, Parlamentera HDP'ê ya Amedê Semra Guzel, Hevşaredara Şemrexê Nalan Ozdemîr pêk dihat jî çûbû serdana Herêma Federa ya Kurdistanê bi gelek sazî û siyasetmedarên jin ên Kurdistanê re hevdîtin pêk anîbû.&nbsp;

	&nbsp;