
Bulbul: Me AKP’ê dabeşî sisêyan kir 

2019-09-19 14:15:13


	WAN – Parlamenterê HDP’ê Kemal Bulbul li Nobeta Demokrasiyê ya Wanê axivî û got: “Me AKP dabeşî sisêyan kir. Hûn di vî warî de dikarin ji me re bêjin ‘dabeşkar.’ Ez bang li malbatan jî dikim; sedemê zarokên we li çiyê ne AKP bi xwe ye.”&nbsp;

	&nbsp;

	Li Wanê Nobeta Demokrasiyê ya li dijî tayînkirina qeyûman di roja 32’yemîn de dewam kir. Çalakî li ber avahiya Rêxistina HDP’ê ya Navçeya Rêya Armûşê pêk hat û parlamenter û rêveberên HDP’ê û gelek welatî beşdar bûn.

	&nbsp;

	'BELÊ EM DABEŞKAR IN JI ÇIMKÎ ME AKP’Ê DABEŞ KIRIYE’&nbsp;

	&nbsp;

	Parlamenterê HDP’ê yê Antalyayê di nobetê de axivî û got medya alîgir her roj derbarê tayînkirina qeyûman de nûçeyên derew û îftira çêdike û got: “Medya wan dibêje ‘şaredariyan pere şandiye çiyê.’ Bi tu awayî ji şaredariyan pere neçûye çiya û miya. Medya alîgir jî vê dizane. Ew ji me re dibêjin ‘dabeşkar.’ Em partiyek ku dixwazin gelên Tirkiyeyê di siyaset, jiyanek civakî û çandê de, wekheviyê, edalet û azadiyê de bînin ba hev. Belê niha raste em dabeşkar in. Me AKP’ê dabeşî sisêyan kir. Li aliyekî Ahmet Davutoglu, li aliyekî Alî Babacan û li aliyekî jî Recep Tayyîp Erdogan. Di vî warî de hûn dikarin ji me re bêjin dabeşkar.”&nbsp;

	&nbsp;

	‘SEDEMÊ ÇÛYÎNA ZAROKAN AKP YE’&nbsp;

	&nbsp;

	Bulbul bang li malbatên li ber avahiya HDP’a Amedê jî rûniştine kir û got: “Dayikên xoşewîst! Berpirsên çûyîna zarokên wa çiya ne em in. Sedemê ev zarokên we çûne çiya AKP û polîtîkaya înkarê, yekperest û paşverû ya dewletê ye.”&nbsp;

	&nbsp;

	Piştî axaftina Bulbul girseyê 10 deqîqe çalakiya rûniştinê li dar xist. Di çalakiya rûniştinê de welatiyan stran gotin û dirûşm berz kirin û tayînkirina qeyûman şermezar kirin. Nobet bi çepik û berzkirina dirûşman bi dawî bû.&nbsp;

	&nbsp;