Meclisa Bajarokê Topiz a girêdayî navçeya Amûdê ya herêma Cizîrê, bi boneya 15'ê Sibatê roja komploya navdewletî şermezar bikin konê çalakiya greva birçîbûnê veda. Bi dirûşmeya "Em komploya navdewletî û tecrîda li dijî Rêber Abdullah Ocalan şermezar dikin" kon vedan û 70 welatî li vir ketin greva birçîbûnê. Kon bi wêneyên Ocalan û kesên di têkoşîna demokrasî û azadiyê de jiyana xwe ji dest dan hat xemilandin. 70 kesên ketin grevê berdilkên spî yên wêneyên Ocala li ser heye li xwe kirin. Çalakî saet 08:00‘an destpê kir. Şaneyên ji tevahî navçeyê ji bo piştgiriyê çalakgeran û şermezarkirina komployê herikîn bin kon. Endamê Meclisa Malbatên Şehîdan Zîwer Elî li kon diyar kir ku gelek dewletên cîhanî beşdarî komploya li dijî Ocalan bûn û wiha got: "Ocalan ji bo azadkirina hemû gelên herêmê û gelên bindest têdikoşe."