Li navçeya Pirûsê ya Rihayê di 14’ê Hezîrana 2018’an de beriya hilbijartina giştî xizm û parêzvanên parlamenterê AKP’ê yê Rihayê Îbrahîm Halîl Yildiz êrişî ferdên malbata Şenyaşar kirin û di encama êrişê de Haci Esvet Şenyaşar û lawên wî Celal û Adil Şenyaşar hatin kuştin. Di êrişê de birayê Yildiz ê AKP’yî Mehmet Şah Yildiz jî hat kuştin. Têkildarî bûyerê doz hatibû vekirin. Danişîna duyemîn a dozê li 2’yemîn Dadgeha Cezayê Giran a Meletiyê tê lidarxistin. Danişînê dest pê kir. 

 

Danişînê dereng dest pê kir. Emîne Şenyaşar û malbata xwe, Cîgirê Hevserokên Giştî yê HDP’ê parêzer Umît Dede, parêzerên girêdayî baroyên Wan, Dîlok, Amed û Rihayê û parêzerên endamên Şaxa OHD’ê ya Amedê beşdarî danişînê bûn. 

 

 Parlamenterên HDP’ê Ayşe Surucu û Omer Farûk Gergerlîoglû û Hevserokê HDP’a Rihayê Mîkaîl Gozek xwestin danişînê bişopînin lê polîsan li ser daxwaza dadgerê dozê destûra beşdariya wan a danişînê neda. 

 

Fadil Şenyaşar û Enver Yildiz ên girtî ji dozê tên darizandin dê bi rêya dîmen û deng (SEGBÎS) beşdarî danişînê bibin. 11 bersûcên din ên dozê li danişînê hatin amadekirin. 

 

Derdora Edliya Meletiyê û ber ewyana danişînê polîs hatine bicihkirin.