ROJEVA 13'Ê KANÛNA 2025'AN 

2025-12-13 09:03:14


	 

	* Hevserokê Giştî yê DAD'ê Zeynel Kete diyar kir ku bi civîna Îmraliyê re dewletê muxatab fermî kiriye û ji bo ku pêvajo pêş bikeve divê gavên qanûnî yên berbiçav bên avêtin.

	 

	* Sînemahezên ku Festîvala Fîlman a Amedê ya Navneteweyî ji nêz ve şopandin, diyar kirin ku ew dixwazin festîvalên bi vî rengî bêtir li Amedê bên lidarxistin.

	 

	* Serokê Baroya Wanê Sînan Ozaraz diyar kir ku wan der barê doza Rojîn Kabaîş de bi zanîngeheke taybet re têkilî danîye û ji wan xwestiye ku raporeke alternatîf amade bikin û ev rapor dê di dozê de rênîşander be.

	 

	* Xizmên girtiyan û malbatên ku zarokên xwe di şer de winda kirine, daxwaza azadiya fizîkî ya Abdullah Ocalan kirin û gotin: "Bêyî azadiya Abdullah Ocalan rê li ber aştiyê venabe."

	 

	* Dermankirina rojnamevan Huseyîn Aykol ê xwîn rijiya ser mêjiyê wî, didome.

	 

	* Dayikên Şemiyê, ji bo pirsa aqûbeta xizmên xwe û cezakirina kiryaran dê li Qada Galatasarayê çalakiya xwe ya heftane li dar bixin. (12.00)

	 

	* Xizmên windayan dê li aqûbeta xizmên xwe yên di binçavan de hatine windakirin bipirsin. (12.00)

	 

	* ÎHD û xizmên girtiyên nexweş dê li Enqere û Stenbolê çalakiyên xwe yên ji bo balê bikişînin ser rewşa girtiyên nexweş bidomînin. (13.00)