
Derbarê rojnamevan Yildiz de biryara beraetê hate dayîn 

2023-12-07 15:44:01


	&nbsp;

	ÎZMÎR - Rojnamevan Nazlican Nûjîn Yildiz a ji ber dema xwendekar bû tev li çalakî û daxuyaniyan bû dihate darizandin, di doza jê dihate darizandin de beraet kir.&nbsp;

	&nbsp;

	Bi hinceta dema xwendekar bû tev li daxuyanî û çalakiyan bûye bi îddiaya “endamtiya rêxistinê” li nûçegîhana JINNEWS’ê Nazlican Nûjîn Yildiz doz hatibû vekirin. 5’emîn danişîna dozê li 21'emîn Dadgeha Cezayê Giran a Îzmîrê hat lidarxistin. Di danişînê de Yildiz û parêzerên wê amade bûn.&nbsp;

	&nbsp;

	Di danişîna bi tespîta nasnameyê dest pê kir de parêzerên Yildizê li dijî mutalayê parastin kirin. Parêzeran diyarkirin ku beyanên şahidan razber û bêkontrol in û daxwaza beraeta muwekîla xwe kirin. Parêzeran her wiha diyar kirin ku Yildiz li Zanîngeha Egeyê beşa rojnamevaniyê dixwîne û belgeya ku têkildarî stajê li JINNEWS’ê dike pêşkeşî dadgehê kir.&nbsp;

	&nbsp;

	Şandeya dadgehê ya piştî navberê biryara xwe aşkere kir, derbarê Yildizê de bi hinceta “delîl kêm in” biryara beraetê da.

	&nbsp;

	&nbsp;