AMED - Duyemîn daneşîna doza ku li ser daxuyaniyên îttîrafkaran bi angaşta "endamtiya rêxistinê" li Hevşaredarê Amedê Selçûk Mizrakli hatibû vekirin, dest pê kir.
Duyemîn daneşîna doza Hevşaredarê Amedê Adnan Selçûk Mizrakli ku ji peywirê hat girtin û qeyûm tayînî şûna wî hat kirin, li ser daxuyaniyên îttîrafkar Hîcran Berna Ayverdî 112 roj in, bi angaşta "endamtiya rêxistinê" girtî ye, li 9'emîn Dadgeha Sizayê Giran a Amedê, hat dîtin. Ji Mizrakli re di navbera 7-15 salan de ceza tê xwestin. Mizrakli, li girtîgeha ku lê girtî ye, bi SEGBÎS'ê tevlî daneşînê bû. Parêzerên wî Zulal Erdogan, Mehmet Emîn Aktar, Cîhan Aydin ve Muhsîn Bîlal jî li daneşînê amade bûn.
Ji bo daneşînê ji aliyê polisan ve bergiriyeke zêde hatiye girtin û balkeş e polis jî daneşînê dişopînin.
Ji gelek welatên Ewropayê nûner û siyasetmedarên kurd daneşîna Mizrakli dişopînin.
Daneşîn, bi parastina Mizrakli didome.