* Serokê Şaxa ÎHD'a Wanê Mûrat Melet, destnîşan kir ku tecrîda li ser Rêberê PKK'ê Abdullah Ocalan, pirsgirêkên di warê demokrasî, aborî, civakî û çandî de kûrtir dikin û xwest rojek berî rojekê tecrîd bi dawî bibe.
* Zafer Sagê ku bû du caran bû qeyûmê Şaredariya Hezexê, civînek bi esnafan re çê kiriye û di civînê de ji bo deynên xwe yê berê li xwe mikur hatiye, lê belê derpêş kiriye ku ji ber deynên rêveberiya HDP'î ya di hilbijartina 31'ê Adarê de nikare tu tiştî bike.
* Sînan Başakê ku di sala 2017'an de tayînî Şaredariyê Licê hatibû kirin, di roja xwe ya dudoyan de bûrayê xwe Fatîh Salîhoglû girtibû li şaredariyê bi cih kiribû. Paşê di dema qeyûm Cûmalî Atîlla de jî li Şaredariya Bajarê Mezin a Amedê bi awayekî dijqanûnî kiribû midûrê nivîsgehê û piştî kadro wergirt tayînî Şaredariya Kagithaneyê hat kirin.
* Qeyûmên ku heta niha Şaredariya Sûrê xistine 151 milyon û 743 hezar û 819 TL deyn, qismek ji vî pereyî ji bo Miftîtiya Sûrê û Midûriyeta Perwerdehiya Neteweyî ya Sûrê xerc kirine. Qeyûman, ji bo her du saziyan 6 milyon û 25 hezar û 169 TL pere xerc kiriye. Heta bi qamera, TV û qilîmayên ji bo her du saziyan jî bi pereyê şaredariyê hatine kirîn.
* Li navçeya Heskîfê ya Êlihê ava Bendava Ilisûyê her ku diçe zêde dibe û Heskîfa dîrokî dadiqûrtîne.
* 1'emîn Danişîna doza polîsê kujer Î.A., yê li Amedê zarokê 5 salî Efe Tektekîn bi panzêrê kuşt û ji 2 salan heta 6 salan ceza tê xwestin, dê li 9'emîn Dadgeha Cezayên Giran a Amedê bê dîtin. (09.00-16.00)
* Danişîna doza polîsê ku li Amedê di sala 2013'an de bi maşîna zirxî Şahin Oner ê 19 salî kuşt, dê li 1'emîn Dadgeha Cezayên giran a Amedê bê dîtin. (09.00-16.00)
* 6'emîn danişîna doza Huseyin Tiller ê hevjîna xwe Eylem kuşt dê li 4'emîn Dadgeha Cezayên Giran a Rihayê bê dîtin (10.00)
* Hevserokê Giştî yê HDP'ê Sezaî Temellî dê di koma partiya xwe de li meclîsê civînê li dar bixe. (12.45)