* Daneşîna biryarê ya doza cînayeta Eylem Tîler ku beriya 3 salan destpêkê hatibû angaştkirin întîhar kiriye, lê paşê derketibû holê ku ji aliyê hevjîn û qesiya xwe ve hatiye qetilkirin, dê sibê bê dîtin.
* Parêzer Mehtap Sert ku 13 sal û 6 meh cezayê li bersûc Casim Ozan Çelîk ê bi asîtê êrîşî Berfîn Ozek kiribû, hatibû birîn, bir îstînafê, diyar kir ku li gorî nirxandina hiqûqî ya serdozgeriyê, divê bersûcê ku êrîş plan kiriye bi sûcdariya "kuştina bi zanebûn" bê cezakirin.
* Venerînerên Sayiştayê, di encama lêkolînên ku kirine, nêlirêtiyên ku li Şaredariya Bajarê Mezin a Rihayê hatine kirin, yek bi yek derxistin holê. Di rapora ku hatiye amadekirin de li ber çavan hatiye raxistin ku bi Projeya Troleybus ku weke "projeya mega" hatiye nîşandan, çawa xesar li cemaweriyê ketiye.
* Serokatiya Lîjneya Perwerdeya Girtîgeha Jinan a Girtî ya Bakirkoyê, asteng kir ku hejmareke zêde pirtûk û rojname bigihîjin girtiyan. Weke hincet jî peyva komkujî ku di weşanan de ji operasyonên "Komkujiya Roboskî" û "Vegera li Jiyanê" re komkujî hatiye gotin, hatiye nîşandan.
* Prof. Dr. Îlhan Ûzgel,têkildarî "Plana Aştiyê ya Rojhilata Navîn" ev nirxandin kir: "Çareseriyeke 2 dewletî hatiye ziman lê ne di wateya dewleta ku em dizanin. Rêveveberiyeke xweser a tenê di bin tundiya Îsraîlê de hatiye fikirîn."
* Nûnerên KESK, TMMOB,DİSK yên Enqereyê, Odeya Tabîban a Enqereyê, dê li pêş Midûriyeta Giştî ya Kiziliyê têkildarî alîkariya Vakfa Ensar ku kiriye daxuyaniyê bidin çapemeniyê(12.30)