DERSIM – Hêzên Ked û Demokrasiyê ya Dersimê, Seyîd Riza û hevrêyên wî, di 82'yemîn salvegera darvekirina wan de, bibîr anî.
Hêzên Ked û Demokrasiyê ya Dersimê, Seyîd Riza û hevrêyên wî ku di 15'ê Mijdara 1938'an de hatibûn darvekirin bibîr anî. Bîranîn li Qada Seyîd Riza pêk hat. Nûnerên partiyên siyasî û saziyan, rêxistinên civaka sivîl, komeleyên elewiyan, Şaredara Fatîh Maçoglû, hevşaredarên Adapazarê yên qeyûm tayînî şûna wan hatin kirin Orhan Çelebî û Songul Dogan, Parlementerê HDP'ê yê Amedê Mûsa Farisogûllari û gelek welatî tev li bîranînê bûn.
Nûnerê Federasyona Komeleyên Dersimê Kenan Yîgît daxuyanî xwend. Yîgît, destnîşan kir ku bi darvekirina Seyîd Riza û hevrêyên wî re Dersim bi êrîş û qirkirineke mezin re rû bi rû maye. Yîgît, ji bo ronîkirina komkujiyê got: "Bila arşîv bên vekirin û navê Dersimê bê îadekirin. Bila lêborînê bixwzin. Bila lîsteya sirgûnan, windayan û zarokên winda bê aşkerekrin. Bila cihê gora Seyîd Riza û hevrêyên wî bê aşkerekirin. Bila azadiya ji bo zimanê me, ji bo baweriya me bê naskirin. Bila projeyên bendavan ên li Mûnzûrê bên betalkirin."
Paşê Parlementerê HDP'ê yê Amedê Mûsa Farisogûllari axivî. Farisogûllari, destnîşan kir ku ew ê li ser rêya Seyîd Riza û hevrêyên wî bin û got: "82 sal berê Seyîd Riza û hevrêyên wî, bi deh hezaran mirovên me hatin kuştin. Em dibînin hîn jî heman polîtîka di meriyetê de ne. Lê bila her kes baş zanbibe qeyûmên tayînî avahiyên şaredariyan kirine, xespkirina avahiyan e. Tu carî nikarin vîna gelê me bişikînin. Wê têkoşîna demokratîk a gelê me bidome."
Piştî daxuyaniyê beşdaran qurnefîl danîn ber peykerê Seyîd Riza û çira pêxistin.