Endamên Meclisa Dayikên Aştiyê ya Mersînê, diyar kirin ku divê tecrîda li ser Abdullah Ocalan bê rakirin û gotin: “Divê tecrîd bi dawÎ be, divê rojnameger û rewşenbîr karîm bi Abdullah Ocalan re hevdîtinê bikin.”

 

Heybet Kalkanê diyar kir ku dema dîlgirtina Abdullah Ocalan wê kincên reş li xwe kiriye û ev tişt got: “Bi dehan kesan xwe şewitand. Ger Rêbertiyê midaxile nekira dê ev hejmar zêde biba. Armanca wan tunekirina tevgera Kurd bû, lêbelê tevger bêtir mezin bû. Rêberê me her tim aştîxwaz e. Em tecrîdê qebûl nakin.”

 

‘PARADÎGMA LI CÎHANÊ BELAV BÛ’

 

Tenzîle Bayramê jî diyar kir ku 15’ê Sibatê ji bo gelê Kurd ‘roja reş’ e û destnîşan kir ku rexmê tecrîda 27 salan Abdullah Ocalan fikra aştî û civaka demokratîk pêş xistiye û wiha axivî: “Paradîgmaya ku pêş xistiye ne tenê gelê Kurd, li hemû gelên bindest bandor kiriye. Fikrên wî li cîlhanê belav bûye. Divê tecrîd bi dawî be, rojnameger û rewşenbîr karibin biçin pê re hevdîtinê bikin.”  

 

 ‘RÊBERÊ ME GIRTÎ YE LÊ FIKRÊN WÎ BI ME RE NE’

 

Ayşe Firatê anî ziman ku dema komployê gel derketine qadan, kincên reş li xwe kirine û got: “Rêberê me dîlgirtî ye lê fikrên wî bi me re ne. Heta ew azad nebe em jî azad nabin. Bi qasî Kurdan, Tirk û Ereb jÎ dixwazin ev şer bi dawî be.”

 

Tenzîle Çelîkê got: “Rêbertiyê got aştî lê dewlet hêj di şer de bi israr e. Ger aştî pêk bihata ewqas dê xizanî û şer nebûna.”