NAVENDA NÛÇEYAN - Li bajarê Amûdê yê Rojavayê, hêzên siyasî, meclisên herêmî û eşîr, daxuyandin ku ew tev li banga seferberiya giştî bûne. 

 

Piştî banga seferberiya giştî ya Rêveberiya Xweser a Bakur û Rojhilatê Sûriyeyê û HSD'ê ji bo parastina herêmê ji êrişên komên DAIŞ û HTŞ'ê yên ku ji aliyê Tirkiyeyê ve tên piştgirîkirin, Meclisa Amûdê ya Partiya Yekîtiya Demokratîk (PYD), Meclisa Bajarê Amûdê û Eşîra Deqorî ya Amûdê daxuyaniyek hevbeş weşandin. Di daxuyaniyê de soza beşdarbûna di seferberiya giştî de hat ragihandin.

 

Endamên Meclisa Partiya Demokratîk a Gelan (PYD) li Amûdê kom bûn û daxuyaniyeke weşandin ku ji hêla serokê partiyê Nîroz Elî ve hat xwendin. Endamê Meclisa Bajarê Amûdê Ebduselam Qafûr daxuyanî xwend. Eşîra Deqorî jî li Qada Jina Azad bi beşdariya ciwan û jinên eşîrê daxuyaniyek weşand. Daxuyanî ji hêla Amir Deqorî ve hat xwendin.

 

Di daxuyaniyan de hat destnîşankirin ku êrişên HTŞ'ê yên li ser Rojavayê armanc dikin ku îradeya gelê Kurd bişikînin û destkeftiyên wan ji holê rakin. Ji gelê herêmê hat xwestin ku bi peyama "îradeya gel ji şerê dijmin xurttir e" li hember van êrişan bi tundtir li ber xwe bidin. Di daxuyaniyan de her wiha banga xurtkirina hevgirtinê di navbera gelê Kurd de hat kirin.

 

Di dawiya daxuyaniyan de dirûşmeya "Bijî Berxwedana Rojava" hat berzkirin.