Rojeva sereke ya Newroza Amedê Efrîn e

img

AMED – Komîteya Amadekar a Newroza Amedê diyar kir ku amadekariyên Newrozê ya dê di 21’ê Adarê de bê lidarxistin ber bi temambûnê ve diçin û dê rojeva sereke ya Newrozê Efrîn be û bi rihê Efrînê Newrozê pêşwazî bikin. 

Li Amedê dê îsal bi dirûşmeya “Newroz berxwedan e, li dijî faşîzmê bihara gelan e” di 21’ê Adarê roja Çarşemê li Parka Newrozê ya her sal bê pîrozkirin. Komîteya Amadekar a Newroza Amedê jî têkildarî Newrozê li avahiya HDP’ê ya Amedê civîna çapemeniyê li dar xist. Parlamenterên Partiya Demokratîk a Gelan (HDP) ên Amedê Sîbel Yigîtalp û Ziya Pîr, rêveberên Kongreya Civaka Demokrîk (KCD), HDP, Partiya Herêmên Demokratîk (DBP) û Tevgera Jinên Azad (TJA), Dayikên Aştiyê, nûnerên saziyên civakî yên sivîl beşdarî civînê bûn. Metna daxuyaniyê ya kurdî Hevseroka DBP’ê ya Amedê Naşîde Toprak û ya tirkî jî Hevserokê HDP’a Amedê M. Şerîf Çamci xwend. 
 
Daxuyaniya bi sernavê “Newroz berxwedan e, li dijî faşîzmê bihara gelan e” ya ji aliyê Toprak ve hat xwendin wiha ye: 
 
“Em wekî gelê kurd û gelên Rojhilata Navîn, Newroza îsal di nava qeyranê de pêşwazî dikin. Ev geşedanên dîrokî yên ku li welatê me pêk tên û dîroka zilm û înkara sed salan a ku li ser gelê me tê ferzkirin, hatiye wê asta ku kêr gihîştiye hestî. Ev zilm û înkar, tenê bi têkoşîn û berxwedanê dikare were şikandin.  Ev asta înkar û tunekirinê ya li ser jiyana gelan, pêwistiya xeta azadiyê, jiyana hevpar û wekhev, girîngiya têkoşîn û berxwedanê ya gel û civakan baştir bi me dide zanîn.
 
Di van rojên ku bi bi zext û zorê şert û mercên siyaseta demokratîk ji holê hatine rakirin, ew kesên ku li hemberî zîhniyeta derbekar, mêtingeriya kedê, rûxandina xwezayê, polîtîkayên înkar, îmha û asimilasyonê, qirkirin û dagirkeriyê, qirkirina çandî û siyasi hêviya gel û civakan li ser lingan digirin û didin jiyandin, îro mil bi mil û bi hêzeke ji hemû deman zêdetir û xurtir li ber xwe didin.
 
‘EM NEWROZÊ BI RIHÊ BERXWEDANA EFRÎNÊ PÊŞWAZÎ BIKIN’ 
 
Jinên ku ji têkoşîna me re pêşengiyê dikin, îro jî di eniya herî pêş a berxwedanê de cihê xwe digirin, têkoşîna ku jinan dike kirdeya jiyana azad bilindtir dikin û coşa 8’ê Adarê bi biryardarî digihînin Newrozê.
Welatekî hevpar, hemwelatîbûna wekhev, çareseriya demokratik, têkoşîna li dijî tevahiya pêkanînên faşîzmê, rakirina tecrîdê, ferzkirina kincên yek tîp û herî dawî jî êrîşa Efrînê, rojevên gelê me yên sereke ne. Em Newroza 2018’an bi van rojevan pêşwazî dikin.
 
Ji bo ku gelê me cejna azadiyê bi coş û li gorî girîngî û giraniya Amedê pîroz bike, hemû amadekariyên me berdewam in. Ji bo amadekariyên beriya Newrozê 1200 hevalên me bi rihê seferberiyê xebatên xwe dimeşînin. Ji bo ku Newroz bi coşa cejna azadiyê bê pîrozkirin, hemû plansazî bi baldarî tên meşandin. Xebatên me yên mêvanên ku ji hundir û derveyî welat ji bo Newroza Amedê bên vexwendin gihîştine asta dawî û li ber temambûnê ne. Ji hundir û derveyî welat daxwaza beşdarbûna Newroza Amedê ya 2018’an di asta herî jor de ye.
 
Em bawerin ku, dê gelê me roja 21’ê Adarê bi coş, bawerî û biryardariyeke mezin bibe lehî û biherike qada Newrozê. Em, wekî Komîteya Amadekar a Newrozê û li ser navê hemû pêkhateyên bajarê Amedê, ji heft salî heta heftê salî gelê xwe vedixwînin cejna azadiyê ya Newrozê. 
 
Bi hêvî û baweriya serkeftin û azadiyê, em careke din bi şîara ‘Newroz berxwedan e, li dijî faşîzmê bihara gelan e’ bang li gelê xwe dikin ku rol û rista xwe ya dîrokî ya evîndariya azadiyê pêk bîne û biherike qadên Newrozan.” 
 
Civîn bi têlîlî û çepikan bi dawî bû. 

Sernavên din

00:28 Celalettîn Can hat berdan
19/01/2019
18:34 Hrant Dînk hat bibîranîn
17:38 Rêveberiya Xweser a Efrînê 1'emîn salvegera operasyona Efrînê şermezar kir
17:37 Ji ber kelepçeyê bijîşkan tomografiya girtiyê nexweş ne girtin
17:18 Di bîranîna Dînk de gotin ‘Yê got bikuje bila bê darizandin’
16:23 ‘Tevî ku failên Hrant Dînk diyar in jî nayên darizandin’
16:10 Buldan: Gelên Tirkiyeyê dê bi hev re tecrîdê bişkînin
15:37 Ozturk: Serkeftin wê ya gelê kurd be
Arslan: Yên dixwazin kurdan tune bikin dê negihîjin mexseda xwe
15:36 10 xalên hevdîtinên Rêveberiya Xweser û rejîma Sûriyê
15:34 Hrant Dink di 12'emîn saliya xwe te tê bibîr anîn
15:09 Leyla Guven peyam şand: Bi bawerî û vîna ma dê berxwedana me serbikeve
15:09 ÎHD'a Îzmirê aqûbeta 11 cerdevanên hatin şewitandin pirsî
15:00 Rojnameger Taşkin: Kenê wan hêz dida min
14:48 Dadger Ertenkîn: Daraz dinava krîzê deye
14:32 ‘Girtiyê nexweş Kirtay berdin'
14:00 Tirkiye Rojnameger dersinor kir Holanda jî ew ji kar derxist
13:58 Ji ber bertekan deriyê Warê Dîrokî Dara dîsan hat vekirin
13:48 Kurê Canan ê windakirî: Werin em hevrû bibin
13:32 Bi hezaran welatî li dijî tecrîdê ber bi Qada Îstasyonê ve diherikin
13:18 Ji bo Guven kampanyaya îmzeya navnetewî hat destpêkirin
13:17 'Em kujerên Karaagar niha jî li pêş Agosê dibînin'
12:10 Otobusa karkerên cotkariyê lê siwar bû qulipî: 17 karker birîndar bûn
10:59 Serlêdana malbatan a Îmraliyê hat redkirin
10:53 Gelê Amed dê îro dengê xwe bigînin Leyla Guven
10:50 Nasnameya jina li Avcilarê mirî hat dîtin diyar bû
10:32 3 bira bira li Qereqolê rastî îşkenceya tazî hatin gilî kirin
09:43 Ji ber dûmana sobeyê 2 jê zarok 3 karker mirin
09:35 Li Meksikayê teqîn: 20 kes mirin 71 kes birîndar bûn
09:13 Li Edeneyê jî mexdûrên KHK'î platform ava kirin
09:12 'Leyla Guven berxwedana li Zindana Amedê dewr girt'
09:12 'Berxwedana Leyla Guvenê hêzê dide me hemûyan'
09:11 Di sir û seqemê de li benda kişandina bar in
09:09 Rapora 'xizmetê' ya qeyûmê Silopiyayê: Kamerayên ewlehiyê zêde kirin
09:08 Li Navenda Çandê ya Serhedê qadeke alternatîf
09:00 ROJEVA 19'Ê ÇILEYA 2019'AN
08:35 Çalakiya Leyla Guven di roja 73'yemîn de didome
18/01/2019
20:13 Wê li Qada Îstasyonê bang li hikûmetê bikin
16:29 Aydin: Di cînayeta Elçî de gav neyên avêtin em ê daneyan parve bikin
15:41 Rewşa perwerdehiyê perîşan e
15:39 KADAV’ê ji bo girtiyan dest bi kampanyeya ‘Walîz’ kir
14:35 Di mala namzetê AKP'ê yê Mahsertê de qeyda 18 hilbijêraen Îzmîrî derket
14:34 Jin dê ji bo Nevîn Yildirim li ser medya civakî dest bi çalakiyê bikin
14:11 Pirsnameya Leyla Guven red kirin
14:02 Ji ser avahiyan belavokên piştevaniya bo Guven belav kirin
13:34 Der barê 6 jinên hatin berdan de lêpirsîn hat destpêkirin
13:24 Rojnameger Reyhan Çapan hat berdan
13:23 Dadgehê kujerê Mazlum Tekîn xelat kir
12:43 Hêjmara girtiyên ketin greva birçîbûnê ya bêdawî û bêdorveger gihişt 239'an
12:41 Malbat ji bo için Îmraliyê serî li dozgeriyê dan
12:20 Kerestecîoglu: Rêveber û endamên me bi zarokên xwe ve tên tehdîtkirin