'Li Meclisê darbe heye'  

2020-06-04 16:57:16


	NAVENDA NÛÇEYAN - Malên Gel xistina parlamenterên HDP'ê Leyla Guven, Musa Farisogullari û Parlamenterê CHP'ê Enîs berberoglu, şermezar kir û got: "Li Meclîsê Darbe heye" 

	Meclîsê parlamenteriya Hevseroka Kongreya Civaka Demokratîk (KCD) û Parlamentera Partiya Demokratîk a Gelan (HDP) ya Colemêrgê Leyla Guven, Parlamenterê HDP'ê yê Amedê Musa Farisogullari û parlementerê CHP'ê Enîs Berberoglu bi hinceta cezayê wan hatiye erêkirin xist. Piştî parlamenteriya 3 parlamenteran xistin, Malên Gel daxuyanî da û got "Li Meclîsê Darbe heye" Malên Gel, diyar kir ku li Lijneya Giştî ya TBMM'ê parlamenteriya 2 jê HDP'î û 1 jê CHP'î parlamenteriya 3 wekîlan hat xistin û wiha got: "Li meclîsê vîna milyonan mirovan bi destê AKP'ê hatiye xezpkirin. Em ê aştî, wekhevî, edalet, demokrasî û azadiyê bi hevrde biparêzin. Li Meclise Darbe heye." 

	 

	 

	HDP: Leyla Guven û Musa Farisogullari vîna milyonan e. Li Meclîsê Darbe heye 

	
		 
	
		Canan Kaftancioglu: Yên ku difikirin wekilên gel bi girtîgehan ceza bikin, xwe dixapînin. 
	
		 
	
		Îrfan Aktan: Şaredariyên xezp bikin nema, niha jî li çav berdan endamtiyên Meclîsê û wekîltiya wekilên HDP'î Leyla Guven, Musa Farısogullari û wekilê CHP'î Enis Berberoglu. 
	
		 
	
		Can Dundar: Rûyê wî bi rûpoş girtî ye, lê em tetikêşê qesrê nas bikin: Sureyya Sadi Bilgiç.
	
		 
	
		Hasan Cemal: Darbeyên li dijî hiqûqê bi dawî nabin
	
		 
	
		Ahmet Şik: Di 15'ê Tîrmehê de darbe asteng kirin, lê cunta bû îqtîdar. 
	
		 
	
		Erkan Baş: Me gotibu yên dibêjin talûkeya darbeyê heye, amadekariya darbeyê dikirin. Li vîna gel darbe kirin. Darbe dê têk biçin dê vîna gel bi ser bikev. 
	
		 
	
		HDK : Ev êrîşên bê pîvan nîşan dide ku vîna gel tune dihesibîne. Xistina wekîltiya @LeylaGuvenkcd û @m_farisogullarii wekî tayînkirina qeyûman darbe ye. 
	
		 
	
		Navenda Giştî ay SES'ê; Xistina wekîltiya Leyla Guven, Musa Farisogullari û Enis Berberoglu darbeya li dijî vîna gel e. 
	
		 
	
		SYKP: Darbekar li palpişta îxtîdarê rûniştine. Wekîl vîna gel in. 
	
		 
	
		 
	
		Keskin Bayindir: AKP wisa difikire ku hilbijêrên bi vîna milyonan hatine hilbijartin têk bibe. Lê dawiya dawî faşîzm dê têk biçe. 
	
		Bariş Atay: Ev nîşaneya ku mirovê tenê xwe di ser vîna gel re dibine.