Hejmara kesên ji ber Covîd-19'ê jiyana xwe ji dest dane bû 4 hezar û 563 2020-06-01 20:30:29     NAVENDA NÛÇEYAN - Li Tirkiyeyê di 24 saetên dawî de 23 kesên din jî ji ber vîrûsa coronayê jiyana xwe ji dest dane û hejmara kesên heya niha jiyana xwe ji dest dane bû 4 hezar û 563.   Wezîrê Tenduristiyê Fahrettîn Koca, tabloya der barê daneyên vîrûsa coronayê (Covîd-19) de li ser hesabê xwe yê Twîtterê parve kir.     Li gor daneyên Koca, di 24 saetên dawî de li Tirkiyeyê 827 kesên din jî bi şewbê ketine û 23 kesên din jî jiyana xwe ji dest dane. Bi van daneyên dawî re hejmara kesên heya niha bi şewbê ketine bû 164 hezar û 769 û hejmara kesên heya niha jiyana xwe ji dest dane jî bû 4 hezar û 563.