
Doza Aydogan hat dîtin 

2017-12-25 13:35:36


	AMED - Doza parlamentera HDP’ê ya Amedê Nursel Aydogan ku wekîltiya wê hat betalkirin, hat dîtin. Şandeya dadgehê daxwaza rakirina biryara girtînê red kir.&nbsp;

	Doza parlamentera HDP’ê ya Amedê Nursel Aydogan ku wekîltiya wê hat betalkirin û di 4’ê Mijdara 2016’an de li Amedê hat binçavkirin û li Şirnexê hat girtin, hat dîtin. Di dozê de 103 sal cezayê girtîgehê ji Aydogan re tê xwestin. Doz li 4’emîn Dadgeha Cezayê Giran a Amedê hat dîtin. Danişîna dozê ku Aydogan beşdar nebû, parêzerê wê beşdar bûn. &nbsp;Parêzer Abdulkadîr Guleç parastin kir û xwest biryara girtina Aydogan bê rakirin. Dozgerê danişînê têkildarî dozê nêrînên xwe anî ziman û got girtina &nbsp;Aydogan li gorî usûl û qanûnan hatiyekirin û daxwaza parêzer red kir. Şandeya dadgehê biryara xwe ya navberê diyar kir û ji bo derbaskirina kêmasiyên dosyayê, doz talopî Adarê kir.

	&nbsp;