
Xizmên windayan: Hîn em li bende bûn em hestiyên xwe bibinin…

2017-12-24 09:22:45


	AMED – Xizmên windayan bertek nîşanî rûxandina Goristana Bedlîsê û derxistina cenazeyan dan û wiha gotin: “Em li hestiyên xwe digerin, lê dema em wan dibînin jî tên wan derdixin.”&nbsp;

	&nbsp;

	Duh na pêr li Goristana Garzanê ya li bejahiya gundê Oleka Jor ê Bedlîsê û 267 cenazeyên PKK’yiyên di dîrokên cuda de jiyana xwe ji dest dane lê bûn, bi makîneyên karî hatibû rûxandin û hestiyên aîdî 267 cenazeyan bêyî hayê malbatan jê hebe bi fermana dozgeriyê hatin derxistin û ji Saziya Tiba Edlî ya Stenblê re hatin şandin. Malbatên windayan bertek nîşanî vê rewşê dan.

	&nbsp;

	‘EM HÎN LI BENDA DÎTINA HESTIYÊN XWE BÛN…’&nbsp;

	&nbsp;

	Kiymet Zengîn, xwişka Fehmî Tosûnê ku di sala 1995’an de hat windakirin, anî ziman ku bi salan e ew xizmên windayan li hestiyên xizmên xwe digerin. Zengîn dest nîşan kir ku ev tişta li cenazeyan hatiye kirin bi tu awayî nayê qebûlkirin û wiha axivî: “Tu ol û wijdan vê kirina li cenazeyan qebûl nake. Em xizmên windayan hîn li bendê bûn ku hestiyên xizmên xwe bibînin, lê cenaze ji goristanê tên derxistin. Ji gorê derxistina miriyekî &nbsp;nayê qebûlkirin.”&nbsp;

	&nbsp;

	‘DEMA EM HESTIYÊN XWE DIBÎNIN TÊN DERDIXIN’&nbsp;

	&nbsp;

	Îffet Mûtaş, xwişka Alî Tekdagê di 1994’an û Mehmet Tekdagê ku di 1993’yan de hatin windakirin, bertek nîşanî vê rewşê da û wiha got: “Em li hestiyên xwe digerin, lê dema em wan dibînin tên û wan derdixin.”&nbsp;

	&nbsp;

	‘BI RÛXANDINA GORAN DIXWAZIN ÇI BIKIN’&nbsp;

	&nbsp;

	Mûtaş ku got “Bi rûxandina goran dixwazin çi bikin” ev tişt gotin: “Em dozdarê vî maf, huqûq û ola wan in. Beriya her tiştî ji gorê derxistina miriyekî guneh e. Bi çi heqî vê yekê dkin. Wê vê zilm û zorbetiya xwe heta kuderê veşêrin.”&nbsp;

	&nbsp;

	Hayriye Dogan (80), xwişka Bedriye Gumuş a hat windakirin, anî ziman ku heta vî emrî ew li hestiyên xwişka xwe geriyaye. Dogan anî ziman ku ew van pêkanînan qebûl nakin û wiha domand: “Ji serê sibehê hetanî êvarî hûn di televîzyonan de behsa olê, Xwedê û pêxember dikin. Lê belê ew Xweda û pêxemberê ku hûn behs dikin, weke we miriyan ji gorê dernaxînin û cenazeyan nabin. We 267 mirov ji goran derxistin, we ew birin kuderê. Hûn ê çi bikin ji wan. Em van pêkanînan qebûl nakin.”&nbsp;

	&nbsp;