
Baran ê ku wêneyê merasîma Elçî parve kiribû derket pêşberî dadger

2017-12-22 13:44:29


	AMED – Danişîna doza Berat Baran ê ku wêneyê merasîma cenazeyê Tahîr Elçî di medya &nbsp;civakî de parve kir hat dîtin. Baran îdiayên der barê xwe red kir û got ku bi hestên mirovahî wêneyan parve kiriye.&nbsp;

	Berat Baran bi hinceta wêneyê Serokê Baroya Amedê Tahîr Elçî yê li Sûrê hat kuştin li ser hesabê xwe yê medya civakî parve kiriye doz lê hatibû vekirin. Danîşan ewil a doza Baran li 9’emîn Dadgeha Cezayê Giran a Amedê hat dîtin. Baran bi îdiayên “Propagandaya rêxistinê kiriye” û “Pesindana sûc û sûcdar kiriye” tê darizandin û der barê wî de 7 sal ceza tê xwestin. Baran û parêzerê xwe beşdarî danişînê bûn.&nbsp;

	Bi tespîta nasname û kurtasiya xwendina îdianameyê re danişînê dest pê kir. Baran parastina xwe kir îdiayên der barê xwe de red kir û got ku hemû parvekirinên wî bi hestên mirovahî parve kiriye û berata xwe xwest.&nbsp;

	&nbsp;

	Pişt re parêzerê Baran, Osman Çelîk parastina muwekîlê xwe kir û destnîşan kir ku her çiqas parvekirin hin kesan aciz bike jî lê ev yek mafekî demorkatîk e.&nbsp;

	&nbsp;

	Piştî parastinê dadgehê biryara navberê aşkere kir û dozê taloqî meha sibatê kir.&nbsp;

	&nbsp;

	&nbsp;