
Li Pasûrê operasyona eskerî bi binçavkirinan didome 

2020-04-09 14:22:31


	&nbsp;

	AMED – Piştî teqîna duh li çoltera Pasûrê pêk hat, esker û tîmên taybet bi ser malan de girtin û gelek kes binçav kirin.&nbsp;

	&nbsp;

	Guh serê sibê li çoltera gundê Şawişa girêdayî navçeya Pasûra Amedê teqîn pêk hatibû û 5 kesan jiyana xwe ji dest dabû. Piştî teqînê operasyona eskerî hatibû destpêkirin û ev operasyon li herêmê didome. Dorpêçkirina eskerî ya li gundê Şawişa jî didome. Têketin û derketina gund qedexe ye û ji ber xetên telefonan nakişîne kes nikare xwe bigihîne şêniyên gund. Esker û tîmên taybet li gund bi ser malan de girtin û hat zanîn ku gelek kes binçav kirine. Hat gotin di serdegirtina malan de kelûpelên gundiyan belav kirine.&nbsp;

	&nbsp;

	3 BIRAYÊN HEV HATIN BINÇAVKIRIN&nbsp;

	&nbsp;

	Di vê navberê de têkildarî teqînê li navenda Amed û li navenda navçeya Pasûrê û li Îzmîrê jî polîsan bi ser malan de girtin. Di serdegirina malan de Bunyamîn, Umran û Abdulhakîm Okût ên birayên hev hatin binçavkirin. Bunyamîn li Pasûrê yê xebatkarê şaredariya Pasûrê, Umran li Amedê û Abdulhakîm jî li Îzmîrê hatin binçavkirin. Hat zanîn ku biryara nepeniyê danîne ser dosyeyên her sê birayan.&nbsp;

	&nbsp;

	LI LICÊ JÎ OPERASYON HAT DESTPÊKIRIN&nbsp;

	&nbsp;

	Li aliyê din di çarçoveya heman operasyona li Pasûrê operasyona eskerî li çoltera gundên Sîsê, Dêrxûst û Xezmez ên girêdayî navçeya Licê ya Amedê jî hatiye destpêkirin û didome.&nbsp;

	&nbsp;