
Di meha Adarê de 29 jin hatin kuştin

2020-04-01 14:18:53


	&nbsp;

	STENBOL - Platforma Emê Cînayetên Jinan Rawestînin, rapora xwe ya meha Adarê aşkere kir û da zanîn 29 jin hatin qetilkirin. Platformê, diyar kir ku piraniya kuştinên jinan di dema banga "Di malê de bimîne" ya ji ber vîrûsê hat kirin de, pêk hatin.&nbsp;

	&nbsp;

	Di meha Adarê de jî cînayetên jinan û tundiya li dijî jinê kêm nebûn. Platforma Emê Cînayetên Jinan Rewestînin (KCDP), rapora xwe ya meha Adarê ya tundî û kuştinên jinan aşkere kir. Li gorî rapora Platformê 29 jin di meha Adarê de ji aliyê zilaman ve hatin kuştin. Di rapora hat amadekirin de, hat diyar kirin ku kuştina 9 jinan weke "mirina bi guman" derbasî girtekan hatine kirin. Platformê di rapora xwe ya meha Sibatê de dest nîşan kiribû ku 22 jin hatin kuştin.&nbsp;

	&nbsp;

	Li gorî agahiyên di raporê de cih girtin, 21 jin di pêvajoya 20 rojan a piştî banga "Di malê de bimîne" ya di navbera 11'ê Adarê û 31'ê Adarê de, ji ber vîrûsa korona (Kovîd-19) hat kirin de, hatin qetilkirin û wiha hat gotin: "Di vê pêvajoyê de tundiya li dijî jinê jî zêdetir bû. Di meha Adarê de 29 jin hatin kuştin û 9 jin jî bi awayekê bi guman mirî hatin dîtin. Ji ber çi 23 jin hatin kuştin nehat tespîtkirin. 2 jin bi hinceta aboriyê, 4 jin bi hinceta li ser medya civakî hesab vekirine û yên din jî ji ber xwestin hevjînê xwe berdin hatin kuştin."&nbsp;

	&nbsp;

	Di raporê de, hat diyar krin ku heya sedemên kuştinên jinan neyin tespîtkirin, darizandinek adîlane pêk neyin, li bersûc û qatilan cezayên giran neyin birîn û bergirî neyin girtin wê tundiya li dijî jinê bi dawî nebe û her diçe zêdetir bibe.&nbsp;

	&nbsp;

	Di raporê de hat dest nîşankirin ku piraniya jinan di malan de hatin kuştin û wiha hat gotin: "18 jin li malên xwe, 4 jin li kargehên xwe, 2 jin di wesayîtê de, jinek di arazî de û 2 jin jî li nava kolanê hatin kuştin. 2 jinên din li ku derê hatin kuştin diyar nebû û nehat tespîtkirin."&nbsp;

	&nbsp;