
Li Başurê Kurdistanê çalakiyên prostestokirinê: 6 kes hatin kuştin 

2017-12-19 19:50:24


	NAVENDA NÛÇEYAN - Li Herêma Kurdistana Federe çalakiyên gel ên li hemberî polîtîkayên hikûmetê berbelav dibin. Hat diyarkirin ku di çalakiyên şermezarkirinê yên li Ranyayê de Hêzên Asayîşê bi awayekî tund mudaxileyî gel kiriye û di vê mudaxileyê de 5 kesî jiyana xwe ji dest daye. Her wiha hat ragihandin ku li navçeya Koyê hatiye kuştin û gelek kes jî birîndar bûne.&nbsp;

	&nbsp;

	Îro du roj e li Herêma Kurdistana Federe xwepêşandanên şermezarkirinê tên lidarxistin. Di çarçoveya van çalakiyan de îro li navçeya Ranya ya Silêmaniyeyê Hêzên Asayîşê bi awayekî tund mudaxileyî gel kir û di vê mudaxileyê de 5 kesî jiyana xwe ji dest da û gelek kes jî birîndar bûn.&nbsp;

	&nbsp;

	Çalakiyên li navçeya Ranyayê ji serê sibehê ve didomin û her wiha li gel vê çalakvanan agir berda avahiya komîteya navendî ya YNK'ê ya li navçeyê û paşê xwpêşandêr ber bi buroya PDK'ê ya li navçeyê meşiyan.&nbsp;

	&nbsp;

	Li Ranyayê çalakiyên çalakvanan didomin.

	&nbsp;

	LI KOYÊ JÎ KESEK HAT KUŞTIN

	&nbsp;

	Li gor nûçeya RojNews'ê danê sibehê li navçeya Koyê ya Hewlêrê jî gel daketiye kuçe û kolanan û di mudaxileya hêzên asayîşê yên li hemberî gel de kesek hatiye kuştin û 19 kes jî birîndar bûne.

	&nbsp;

	LI ÇEMÇAL Û KIFRIYÊ QEDEXEYA DERKETINA DERVE&nbsp;

	&nbsp;

	Her wiha li navçeya Çemçal a Silêmaniyeyê û li navçeya Kifriyê qedexeya derketina derve hat îlankirin. Her wiha qeymeqamê Çemçalê ragihand ku di çarçoveya qedexeya li navçeyê de saziyên fermî yên hikûmetê di betlanê de ne.&nbsp;