
Bi ser malên kesên ji ber koronayê vegeriyan gundê xwe de girtin 

2020-03-27 14:49:53


	&nbsp;

	AMED - Leşkeran bi ser malên welatiyên ji ber vîrûsa koronayê vegeriyan malên xwe yên zozanên Şênê û gundê Eskar a navçeya Pasûrê de, girtin. &nbsp;

	&nbsp;

	Hat diyar kirin ku operasyona leşkerî ya bi tevlîbûna gelek yekîneyên taybet a duh serê sibê li gundê Eskar a navçeya Pasûr a Amedê û zozanên Şênê dest pê kir, dewam dike. Helîkopterên ji Qereqola Pasûrê rabûn leşker danîbûn herêmê. Leşkeran dûre bi ser mal û kovên hewyanên de girtibûn û lêgerîn pêk anîbûn.&nbsp;

	&nbsp;

	BI SER MALÊN WELATIYÊN JI BER VÎRÛSÊ REVIYAN DE GIRTIN&nbsp;

	&nbsp;

	Hat diyar kirin ku welatiyên ji ber vîrûsa koronayê reviyabûn gundên xwe, leşkeran bi ser malên wan de girtin. Hat dest nîşan kirin ku welatî ji ber operasyona leşkerî û serdegirtinên malan bi fikarin.&nbsp;

	&nbsp;

	Welatiyên, ji ber parastina ji vîrûsa koronayê çûn gund û gomên xwe, xwestin ku operasyona leşkerî û serdegirtinên malan bi dawî bibin. Hat dest nîşan kirin ku operasyona leşkerî ya li herêmê dewam dike.&nbsp;

	&nbsp;