Malbat û parêzer ji bo biçin Îmraliyê serlêdan kirin

2020-03-27 14:24:26


	STENBOL - Malbat û parêzerên Rêberê PKK'ê Abdullah Ocalan û girtiyên din ên li Îmraliyê ji bo bi muwekîl û xizmên xwe re hevditin bikin serî li Serdozgeriya Komarê ya Bûrsayê dan. 

	Malbat û parêzerên Rêberê PKK'ê Abdullah Ocalan ji bo biçin li Girtîgeha Tîpa F a Ewlehiya Bilind a Îmraliyê, bi Ocalan re hevditin bikin serî li Serdozgeriya Komare ya Bûrsayê dan. 

	Birayê Ocalan Mehmet Ocalan û vasîyê wî Mazlum Dinç, ji bo di 30'ê Adar û 3'ê Nîsanê de biçin Îmraliyê û bi Ocalan re hevditin bikin serî li serdozgeriyê dan. 

	 

	MALBATÊN GIRTIYÊN DIN JÎ SERLÊDAN KIRIN 

	 

	Malbatên girtî Omer Hayrî Konur, Hamîlî Yildirim û Veysî Aktaş jî bi heman armance serî li serdozgeriyê dan. Birayê Omer Hayri Konar, Ali Konar, birayê Hamili Yıldırım, Polat Yıldırım û xwişka Veysi Aktaş, Melihe Çetin bi rêya parêzeran serî li serdozgeriyê dan û xwestin biçin îmraliyê hevditin bikin. 

	 

	XWESTIN JI MAFÊ TELEONÊ JÎ SÛDÊ BIGIRIN

	 

	Malbatan, di serlêdanan de diyar kirin ku ger wan neşînin Îmraliyê jî dixwazin ji mafê xwe yê telefonê jî sûdê bigirin. 

	 

	PARÊZERAN JÎ SERLÊDAN KIR

	 

	Parêzerên Rêberê PKK'ê Abdullah Ocalan Raziye Turgut, Rêzan Sarica, Serbay Koklu û Îbrahim Bilmez jî dîsa ji bo di 30'ê Adare û 3'ê nîsane de bi Ocalan re hevdîtin bikin serî li Serdozgeriya Komarê ya Bûrsayê dan. 

	 

	Parêzerên Ocalan Nevroz Uysal û Rêzan Sarica herî dawî piştî 8 salan di 2'ê Gulan, 22 Gulan, 12 Hezîran, 18 Heziran û 7'ê Tebaxa 2019'an de çûbûn Îmraliyê û hevdîtin kiribûn. Parêzer ji 7'ê tebaxa 2019'an û heta niha her hefte serlêdan dikin, lê bi tu awayî bersîv nagirin.