
Der barê rojnameger Guldem û Atlan de dest lêpirsine kirin

2017-12-19 11:05:24


	AMED – Bi hinceta rojnameger Bîlal Guldem û Zuhal Atlan ji mêvanên bernameyên xwe pirsên têkildarî Rêberê PKK’ê Abdullah Ocalan pirs kirine bû sedema sûc. Li ser fermana Serdozgeriya Komarê ya Amedê li Guldem û Atlan lêpirsîn hat destpêkirin.&nbsp;

	Li ser fermana Serdozgeriya Komarê ya Amedê der barê rojnameger Bîlal Guldem û Zuhal Atlan de lêpirsîn hat destpêkirin û Şaxa TEM’ê ya Miduriyeta Polîsan a Amedê îfadeyê wan girt. Rojnameger Guldem bi boneya di bernameya Rojev a heftane ku di Stêrk TV de tê weşandin berê pêşkêş dikir lêpirsîn lê hat vekirin. Li Guldem bi hinceta têkîldarî Rêberê PKK’ê Abdullah Ocalan ji mêvanên xwe pirs kiriye û bi îdiaya “Propaganda rêxistinê kiriye” lêpirsîn hat destpêkirin. &nbsp;Li gel Guldem, lêpirsîn li mêvanên beşdarî benameyê bû Hevberdevkê Înîsiyatîfa Piştgiriya bi Zîndanan re li Mehmet Temîzyuz jî lêpirsîn destpêkirin.&nbsp;

	&nbsp;

	GOTINA ‘RÊBERÊ PKK’Ê ABDULLAH OCALAN’ BÛ SÛC

	&nbsp;

	Li aliyê din li rojnameger Zuhal Atlan a ku di Platforma 1HaberVar de bernameya Panorama Mor pêşkêş dike ji ber ku di bernameyê de di pirsa xwe de gotiye “Rêberê PKK’ê Abdullah Ocalan” bi îdiaya “Pesindana sûc û sûcdar” lêpirsîn hat destpêkirin.&nbsp;

	&nbsp;

	Her wiha li mêvana Atlan, li Hevseroka Rêxistina DBP’ê ya Amedê Rûken Akça ku ji ber beşdarî bernameyê bûye jî lêpirsîn hat vekirin.&nbsp;

	&nbsp;

	&nbsp;