
Kampanya ji bo berdana girtiyên siyasî gihîşt 55 hezar îmzeyan 

2020-03-26 11:08:40


	&nbsp;

	AMED – Ji bo girtiyên siyasî sûdê ji pakêta darazê ya werbigirin kampanya îmzeyan hat destpêkirin. Di sê rojan de hejmara îmzekirina kampanyayê gihîşt 55 hezaran.&nbsp;

	&nbsp;

	Ji ber şewba vîrûsa koronayê pakêta darazê ya birêkûpêkirina yasaya înfazê tê amadekirin. Tê xwestin ku girtiyên siyasî derveyî vê pakêtê werin hiştin. Parlamenterê HDP’ê yê Kocaeliyê Omer Farûk Gergerlîoglû li dijî belavbûna şewba vîrûsê bêyî ku cudakariyê bixin navbera girtiyan ji bo hemû girtî werin berdan kampanya îmzeyan da destpêkirin. Kampanya bi sernavê “Di Pakêtê Darazê De Cih Ji Cudakariyê Re Nîne – Ji Bo Girtiyê Siyasî Jî Wekhevî” hat destpêkirin û di nava sê rojan de hejmara îmzeyan gihîşt 55 hezaran. Kampanya bi lez û bez berbelav dibe û kampanya bi zimanê tirkî, îngîlîzî û elmanî tê birêvebirin.&nbsp;

	&nbsp;

	50 HEZAR JI BER RAMANÊN XWE GIRTÎ NE&nbsp;

	&nbsp;

	Di nivîsa kampanya îmzeyan de tê gotin niha bi ser 50 hezar kesî re rojnameger, nivîskar, siyasetmedar, hunermend, akademisyen, parêzvanên mafê mirovan, mamoste, doktor, parêzer, xwendekarên zanîngehê, karsaz, jin û dayik ji ber fikr û ramanên xwe bi angaşta “terorê” di girtîgehan de ne. Di nivîsê de tê xwestin di çarçoveya vê pakêtê de hemû kes demildest were berdan.&nbsp;

	&nbsp;

	Kampanya li ser Change.org tê birêvebirin û didome.&nbsp;

	&nbsp;

	Lînka kampanyayê wiha ye:&nbsp;

	&nbsp;