
Ji bo Hevşaredarê Sûrê Ozdemîr ceza hat xwestin 

2020-03-10 16:20:35


	AMED – Danişîna ewil a doza Hevşaredarê Sûrê Cemal Ozdemîr ê qeyûm tayînî şûna wî hat kirin, hat lidarxistin. Dozger di danişîna ewil de heta 22 sal cezayê hefsê jê re xwest.&nbsp;

	Wezareta Karê Hundir di 21’ê kanûna 2019’an de Hevşaredarê Sûrê Cemal Ozdemîr ji wezîfeyê girt û qeyûm tayînî şûna wî kiribû. Ozdemîr bi angaşta “endamê rêxistinê ye”, “propaganda rêxistinê kiriye”, “kirîn û firotina çekan” û “madeyên talûke li cem xwe girtiye” girtî tê darizandin. Danişîna ewil a doza Ozdemîr li 8’emîn Dadeha Cezayê Giran a Amedê hat lidarxistin. Ozdemîr bi rêya dîmen û deng (SEGBÎS) ji Girtîgeha Tîpa H a Erziromê beşdarî danişînê bû. Parêzerên Ozdemî Şîlan Çelîk û Mehmet Oner di danişînê de amade bûn. Malbata Ozdemîr û şandeyek HDP’ê doz şopandin.&nbsp;

	&nbsp;

	OZDMEÎR ANGAŞTAN RED KIR&nbsp;

	&nbsp;

	Danişînê bi tespîta nasnameyê dest pê kir. Piştî venêrîna nasnameyê Ozdemîr parastina xwe kir û behsa xebatên xwe yên siyasî kir. Ozdemîr angaştên jê tê tewanbar qebûl nekir û xwest were berdan û beratkirin.&nbsp;

	&nbsp;

	DI DANIŞÎNA EWIL DE CEZA HAT XWESTIN&nbsp;

	&nbsp;

	Dozger (meqamê angaştê) biryara (mutala) xwe ya derbarê Ozdemîr de eşkere kir û xwest ji angaştên pê tê sûcdarkirin ji 9 salan heta 22 salan were cezakirin.&nbsp;

	&nbsp;

	Dozger ji sûcê “madeyên talûke li cem xwe girtiye û dest guhertiye” Ozdemîr berat kir û biryara dewama girtinê da.

	&nbsp;

	Parêzerên Ozdemîr jî li dijî angaşt û mutalaya dozger parastina miwekîlên xwe kirin û daxwaza berdan û beratê kirin.&nbsp;

	&nbsp;

	DANIŞÎN HAT TALOQKIRIN

	&nbsp;

	Piştî navberek kin şandeya dadgehê biryara xwe eşkere kir û biryara girtina Ozdemîr da û danişîn taloqî 16’ê nîsanê kir.&nbsp;

	&nbsp;

	&nbsp;