
Dosyeya girtina duyemîn a Yuksekdag ji bo dadgehê nehat şandin 

2020-03-10 12:51:39


	ENQERE - Dosyeya girtina duyemîn a Hevseroka Giştî ya HDP’ê ya berê Fîgen Yuksekdag a şandeya dadgehê ji Serdozgeriya Komarê ya Enqerê xwestibû, bi hinceta “sînordarkirinê” ji dadgehê re nehat şandin.&nbsp;

	Danişîna 17’emîn a doza sereke ya darizandina Hevseroka Giştî ya Partiya Demokratîk a Gelan (HDP) ya berê Fîgen Yuksekdag li 16’emîn Dadgeha Cezayê Giran a Enqerê pêk hat. Yuksekdag ji ber pirsgirêkên xwe yên tenduristiyê nekarî beşdarî danişînê bibe. Parêzerên Yuksekdag danişînê de amede bûn. Parlamenterên HDP’ê Mehmet Ruştu Tiryakî, Kemal Pekoz û endamê Meclîsa Partiyê Nazmî Gur beşdarî danişînê bûn.&nbsp;

	&nbsp;

	Dosyeya doza Yuksekdag ji 7 fezlekeyên cuda pêk tê û di çarçoveya dosyeya 92 rûpelî de, ji bo Yuksekdag 30 sal heya 83 sal cezayê girtîgehê tê xwestin.

	&nbsp;

	Di dosyayê de, xebatên Yeksekdag ên di nava Kongreya Civaka Demokratîk (KCD) û hin xebatên siyasî cih digirin. Hat diyar kirin ku dosyeya girtina duyemîn a Yuksekdag a şandeya dadgehê ji Serdozgeriya Komarê ya Enqerê xwestibû, bi hinceta “sînordarkirinê” ji dadgehê re nehat şandin.

	&nbsp;

	Belgeyên ji dosyeya dozê re hatibûn şandin hatin xwedin û danişînê dest pê kir. Parêzera Yuksekdag Hatîce Ezgî Gungordu, parastin kir û wiha got: “Ligel ku şandeya dadgehê xwest ku Serdozgeriya Komarê &nbsp;ya Enqerê dosyeya girtina duyemîn a muwekîla min ji dadgehê re bişîne jî, nehat şandin. Divê ku dozger dosyayê ji dadgehê bişîne. Li vê derê dozger sûc dike û peywira şandeya dadgehê xesp dike.”

	&nbsp;

	HEMAN HINCET HENE&nbsp;

	&nbsp;

	Gungordu, da zanîn ku dozger dosyayê ji dadger di revîne û wiha got: “Bi vê sûc tê kirin. Divê ev yek derbasî girtekan bibe. Ji xwe muwekîla min bi heman hincetan tê dadgeh kirin. Di demên pêş de hûnê jî bibînin ku heman fezleke û heman sûdarî û îdîa di dosyeyê de cih digirin. Divê hûn vê dosyeyê lêkolîn bikin. Da ku hûn têkiliya wan a bi hevre bibînin. Muwekîla min di çarçoveyê dosyayê de ev demek dirêje girtiye. Girtina wê biryarek siyasiye. Ji ber vê ez tehliya muwekîla xwe dixwazim.”

	&nbsp;

	‘DOSYEYA LÊPIRSÎNÊ BILA BÊ XWESTIN’

	&nbsp;

	Dozgerê îdîayê jî, daxwaza lêkolînkirina dosyayê ya parêzan di cih de dît û xwest &nbsp;şandeya dadgehê dosyeya lêpirsînê ji Serdozgeriya Komarê ya &nbsp;Enqerê cardin bixwaze. Dozger, ji dadgehê xwest ku biryara girtina Yuksekdag berdewam bike.&nbsp;

	&nbsp;

	‘EM JÎ DI NAVBERÊ DE MANE’

	&nbsp;

	Şandeya dadgehê, diyar kir ku ji ber ne temambûna doza sereke, nikarin di dosyeyê de biryar bidin û gazincên xwe yên ne yekkirina dosyeyê anî ziman. Serokê dadgehê ji bo yekkirina dosyeyê got, “em jî tim di navberê de dimînin.” &nbsp;

	&nbsp;

	Şandeya dadgehê dûre, biryar da ku Serdozgeriya Komarê ya Enqerê dosyeya lêpirsînê ji bo dadgehê bişîne û girtina Yuksekdag dewam bike.&nbsp;

	&nbsp;

	Dadgehê danişîna Yuksekdag taloqî 21’ê Gulanê kir û xwest parastinên derbarê esas de bên temamkirin.&nbsp;