
Dadgehê 2 sal û mehek ceza li Rojnameger Oruç birî

2020-03-02 11:11:15


	AMED – Danişîna doza Rojnameger Azîz Oruç li Amedê hağt dîtin. Heyeta dadgehê 2 sal û 1 meh ceza li Rojnameger Azîz Oruç birî.&nbsp;

	10'emîn danişîna doza Rojnameger Azîz Oruç a ji ber parvekirinên medya civakî bi îdiaya "Propaganda rêxistinê kiriye" di sala 2017'an de doz lê hatibû vekirin, &nbsp;li 9'emîn Dadgeha Cezayên Giran a Amedê hat dîtin. Di danişînê de Rojnameger Oruç ji Girtîgeha Tîpa L a Patnosê bi rêya SEGBÎS'ê tev li danişînê bû. Parêzerê Oruç Ferhat Kilinç û bavê Oruç Halil Oruç jî di navde gelek rojnameger tev li danişînê bûn.&nbsp;

	&nbsp;

	DOZGER CEZA XWEST DADGEH CEZA BIRÎ&nbsp;

	&nbsp;

	Di danişînê de dozger bi îdîaya Oruç propaganda kiriye ceza xwest, &nbsp;Piştre Rojnameger Oruç, parastin kir û got: “Ez rojnameger im, parvekirinên ku min kirin bi armanca nûçeyê ye. Ez sucdariya li ser xwe qebûl nakim, Ez beraeta xwe dixwazim."&nbsp;

	&nbsp;

	Parêzerê Oruç Ferhat Kilinç jî anî ziman ku parvekirinên Oruç nûçe ne û wê demê di Ajansa Nûçeyan a Dîcleyê de dixebitî û wiha got: “Parvekirin li ser nûçeyan bûn. Tu suc li ser muwekilê min tune. Divê beraet bike."&nbsp;

	&nbsp;

	Piştre heyeta dadgehê biryar da û der barê Oruç de 2 sal û mehek ceza li Oruç birî.&nbsp;

	&nbsp;

	&nbsp;

	&nbsp;

	&nbsp;