
Li Başûr ji ber vîrûsa korona dibistan ketin betlaneyê

2020-02-25 16:09:52


	NAVENDA NÛÇEYAN - Ji ber metirsiya vîrûsa koronayê li tevahiya Başûrê Kurdistanê dibistan û zanîngeh ketin betlaneyê û bazirganî û peywendiyên li gel Îranê hatin rawestandin.&nbsp;

	&nbsp;

	Piştî li Kerkûkê 4 nexweşên vîrûsa korona hatin tespîtkirin, li bajêr dibistan û zanîngeh ketin betlaneyê. Herwiha wê li bajêr 14 rojan şahî û sersaxî qedexe bin.

	&nbsp;

	Li gorî biryara ji aliyê Meclîsa Walîtiya Kerkûkê ve hatiye dayîn wê heta 24’ê adarê dibistin û zanîngeh di betlaneyê de bin. Wê ji sibe û pêve xwendekar neçin dibistanê.

	&nbsp;

	Herwiha li bajarê Iraqê Necefê jî biryara girtina dibistan û zanîngehan hatibû girtin.

	&nbsp;

	Her wiha li Hikumeta Herêma Kurdistanê jî ragihand ku ji bo pêşîlêgirtina vîrûsa korona tevahiya dibistan, peymangeh û zanîngehan bûn betlane. Herwiha wê bazirganiya bi Îranê re jî were rawestandin.&nbsp;