
Kesên di erdheja Wanê de jiyana xwe ji dest dan hatin definkirin

2020-02-24 14:32:33


	WAN - 8 kesên di erdheja Elbakê de, jiyana xwe ji dest dan hatin definkirin. Feryat û axîna Nebahat Fûrat a di erdhejê de 4 zarok û hevjîna xwe winda kirin, hemû kes bi hestiyar kirin.&nbsp;

	Ji ber erdheja pileya 5.9 a duh li navenda bajarê Xoy a Îranê rû da, li Taxa Elbîs a navçeya Elbakê ya Wanê hilweşandinek mezin rû da. Li taxê gelek mal û axûr hilweşiyan û 9 kesên dibin xirabeyan de mayîn, jiyana xwe ji dest dan. Cenazeyên Aydin Tosûn, Huseyîn Tosûn, Ekrem Tosûnturk, Reîs Fûrat û zarokên wî Fatma, Mûhammed, Hasret û Hicran a 6 mehî yên di erdhejê de jiyana xwe ji dest dabûn li Nexweşxaneya Dewletê ya Elbakê hatin girtin û hatin taxê. Cenaze piştî ku bi karwanek mezin anîn taxê, dinava xemgînî û girî de birin goristanê. Feryat û axîna Nebahat Fûrat a di erdhejê de 4 zarok û hevjîna xwe winda kirin, kêliyên bi hestiyar li welatiyan dan jiyîn. Ji ber feryat û qirînin bilind dibûn gelek jin ji ser hişê xwe çûn.

	&nbsp;

	Li Taxa Elbîs a 120 mal lê hebûn û veguheriye kavil, rêyên wê û axûrên wê bi termen heywanan tijene. Hemû malên bi kerpîç ên li taxê hilweşiyane û kavilên gelek mal û axûran hîna jî weke xwe li erdê ne. Di erdhejê de ji ber hilweşandinê, bi hezaran heywanan jiyana xwe ji dest dane.&nbsp;

	&nbsp;

	Welatiyên taxê, diyar kirin ku konên ku hatine vedan kêmin û ceyrana wan tuneye. Welatiyan, banga lezgîn kirin û xwestin hin zêdetir kon bên vedan.&nbsp;

	&nbsp;

	&nbsp;