
Ji gelek welat û derdoran mêvan beşdarî kongreya HDP'ê bûn

2020-02-23 13:22:02


	ENQERE – Ji hundirê welat û ji derveyî welat peyamên piştevaniya ji bo kongreya HDP’ê hatin şandin. Alî Babacan ê ji AKP’ê veqetiya û dixwaze partiyek nû ava bike jî peyam şand kongreyê. Şandeyek Partiya Pêşerojê jî beşdarî kongreyê bû.&nbsp;

	Di 4’emîn Kongreya Asayî ya HDP’ê de peyam û nameyên mêvanan û axaftina mêvanan jî hatin xwendin. Ji 28 welatên cîhanê nûner beşdar bûn û yên beşdar nebûn jî peyam şandin. Li Tirkiyê jî gelek aliyên siyasî, rêxistinên sivîl û rewşenbîr beşdarî kongreyê bûn.&nbsp;

	&nbsp;

	Hevserokên KCD’ê Leyla Guven û Berdan Ozturk, Hevberdevkên HDK’ê Îdîl Ûgûrlû û Sedat Şengolû, Hevserokên Giştî yên DBP’ê Salîha Aydenîz û Keskîn Bayindir, Serokê Giştî yê KKP’ê Sînan Çîftyurek, rêveber û nûnerên partiyên Kurdistanî, Seroka Giştî ya EMEP’ê Selma Gurkan, Hevserok û serokên gelek partiyên çep ên pêkahetyên HDP’ê, Seroka Giştî ya DÎSK’ê Arzû Çerkezoglû, Hevserokê KESK’ê Mehmet Bozgeyik, Hevserokê Gitşî yê ÎHD’ê Ozturk Turkdogan, û nûnerên gelek partiyan beşdarî kongreyê bûn.

	&nbsp;

	Rewşenbîrên wek Ahmet Tellî, Oya Baydar û Fîkret Başkaya û gelek rewşenbîrên din di nava kongreyê de cihên xwe girtin.&nbsp;

	&nbsp;

	Malbatên Roboskî, malbata Mehmet Tûnç, malbata Mehmet Yavûzel, Lîsa Çalan, birayê Ocalan, Mehmet Ocalan, malbatên Fîgen Yuksekdag, Orhan Dogan, Sêvê Demîr, Ayten Becet, Zulkuf Gezen jî tevlî kongreyêbûn. Parêzer û rêveberên TUHAD- FED, OHD û Buroya Hiqûqê ya Sedsalê, ÇHD’ê jÂi beşdar bûn.&nbsp;

	&nbsp;

	TIFAQA KURDISTANÎ BEŞDAR BÛ&nbsp;

	&nbsp;

	Ji partiyên tifaqa Kurdistanî Serokê Giştî yê Partiya Însan û Azadiyê Mehmet Kamaç û endamên DDKD’ê jî beşdar bûn.&nbsp;

	&nbsp;

	BABACAN PEYAM ŞAND&nbsp;

	&nbsp;

	Şandeyek CHP’ê û Partiya Pêşerojê jî beşdarî kongreyê bûn. Lê her çiqas Partiya ÎYÎ hat vexwendin jî kes ji wê beşdar nebû. Ji sazûmankarê AKP’ê Alî Babacan ku ji AKP’ê veqetiya û niha di hewldana avakirina partiyek nû de jî peyam şand kongreya HDP’ê û kongreyê silav û pîroz kir.&nbsp;

	&nbsp;

	PIŞTEVANIYA ENTERNASYONALÎST&nbsp;

	&nbsp;

	Nûner û kesayetên ji welatên derve nikaribûn beşdarî kongreyê bibin payemên wan hatin xwendin.&nbsp;

	&nbsp;

	Cîgirê Hevserokên Giştî yên HDP’ê Hişyar Ozsoy ê ji Karê Derve berpirsiyar e navên beşdarên kongreyê yên enternasyolîst xwend. Girseyê ji xwendina navan re li çepikanda.&nbsp;

	&nbsp;