
KCD: Em li her qada jiyanê bi kurdî baixivin

2020-02-21 11:51:13


	&nbsp;

	AMED - KCD'ê bi boneya 21'ê Sibatê Roja Zimanê Zikmakî ya Cîhanê diyar kir ku li dijî polîtîkayên bişaftinê li her qadên siyasî û civakî û tevahiya qadên jiyanê bi kurdî biaxivin, bixwînin û binivîsînin. &nbsp;

	&nbsp;

	Kongreya Civaka Demokratîk (KCD) bi wesîleya 21'ê Sibatê Roja Zimanê Zikmakî ya Cîhanê daxuyaniyek nivîskî belav kir. KCD di daxuyaniya xwe de bal dikişîne ser girîngiya ziman û çanda kurdî û mafê zimanê kurdî.

	&nbsp;

	Daxuyaniya KCD'ê wiha ye:&nbsp;

	&nbsp;

	"21’ê Sibatê Roja Zimanê Zikmakî ya Cîhanê li tevahî gelan û gelê Kurd Pîroz be. Roja zimanê dayikê ji bo gelan roja xwedî derketina ziman û çandê ye.

	&nbsp;

	Civakên bindest di çerçoveya paradigmaya Netewe dewletê de bi salan tune hatine hesibandin û bi rêbazên bişaftinê hatiye xwestin ku ji holê bê rakirin. Civakan vê rojê wekî cejnê, berdewamkirina hebûna xwe û lêgerîna maf dîtine û wekî roja berxwedanê jiyîne.

	&nbsp;

	Li Kurdistanê sed sale ku ji bilî zimanê fermî Tirkî bikaranîna zimanê Kurdî hatiye qedexekirin. Her wiha ligel zimanê Kurdî, Lazî, Ermenî, Erebî û Çerkezî jî tune hatine hesibandin. Bi vê yekî hatiye xwestin ku pêşiya pêşketina ziman bê girtin. Hişmendiya serdest di esasê tunekirinê de polîtîkayên bişaftinê meşandiye.

	&nbsp;

	Ziman sedema hebûna gelan û çanda wê ye. Hemû êrîşên li dijî ziman di esasê xwe de êrîşa li hemberî gelan e. Mafê zimanê zikmakî mafeke gerdûnî û wateya bingeha jiyanê ye. Çiqas êrîşên li ser zimanê Kurdî zêde bibin dê berxwedan jî ewqas mezin bibe. Têkoşîna ji bo ziman bixwe wateya jiyanê ye.

	&nbsp;

	Em li ser vê esasê, ji bilî zimanê fermî û wêdetirî jiyîna jiyanekê, jiyanek ku tê de cûdahiyên me bikaribin xwe bi awayekî azad îfade bikin, çanda xwe azad bijîn û polîtîkayên bişaftinê tune bin dixwazin. Ji ber van sedeman em bang li tevahî gelê xwe dikin ku di qadên siyasî û yên civakî de di tevahî qadên jiyanê de zimanê kurdî bikar bînin, li hemberî polîtîkayên înkarkirin û bişaftinê li ber xwe bidin û bi helwestek netewî seferberiya bikaranîna zimanê dayikê bilind bikin dikin.

	&nbsp;

	Bi bîr û baweriya ku em dê bi têkoşîna xwe jiyana azad biafirînin, Roja Zimanê Zikmakî ya Cîhanê pîroz dikin."

	&nbsp;