
Dozger der barê polîsê bi wesayîta zirxî Can kuşt de îdianame amade kir 

2020-02-21 09:15:17


	AMED – Li Amedê, wesayîta zirxî ya polîsan pêl Cîhan Can kiribû û ew kuştibû. Der barê polîs H.A. de bi tawanbariya "kuştina qisûrdar" doz hat vekirin, lê belê 46 roj in dadgehê zebta tensîbê ya dozê amade nekiriye.&nbsp;

	Di 27'ê Kanûna 2019'an de li Amedê li Kolana Tûrgût Ozalê wesayîta zirxî ya polîsan pêl Endezyarê Înşeatê Cîhan Can kiribû û ew kuştibû. Lêpirsîna der barê mirina Can de temam bû û Serdozgeriya Komarê ya Amedê der barê polîs H.A. de bi tawanbariya "kuştina qisûrdar" îdianame amadekir. Dadgeha Cezayê Asliye ya 11'an a Amedê jî di 7'ê Çileya 2020'an de îdianame qebûl kir. Lê belê derket holê ku 46 roj derbas bûne, lê dadgehê hê jî zebta tensîbê ya dozê amade nekiriye.&nbsp;

	&nbsp;

	‘MUDAXILEYÎ DADGEHÊ TÊ KIRIN'

	&nbsp;

	Parêzerê malbata Can Parêzer Coşacak, destnîşan kir ku mudaxileyî dadgehê tê kirin. Coşacak, anî ziman ku dadgeh dixwaze dozê bi derengî bixe û got, îdiaynameya bi sê rêzikan hatiye amadekirin îşaret bi pratîka bêcezatiyê dike û got: "Li erdnîgariya me kesên bi vî awayî mirovan dikujin bi rihetî digerin. Li erdnîgariya me sûc bê ceza tên hiştin. Ev jî bi destê dewletêt ê kirin. Bi nêvenga pevçûnî ya li erdnîgariya me, kirine ku hêzên dewletê çi sûcî bikin jî azad bin."&nbsp;

	&nbsp;

	&nbsp;

	&nbsp;